ԿԳՄՍՆ-ն մտադիր է «Տիգրան Պետրոսյանի անվան շախմատի տուն» և «Հ. Գասպարյանի անվան շախմատի և շաշկու օլիմպիական մանկապատանեկան մարզադպրոց» ՊՈԱԿ-ները միավորել

«Ժողովուրդը» գրում է․ «Կրթության, գիտության, մշակույթի և սպորտի նախարարությունը մտա­դիր է «Տիգրան Պետրոսյանի անվան շախմատի տուն»-ը և «Հ. Գասպարյանի անվան շախմատի և շաշկու օլիմպիական մանկապատանեկան մարզադպրոց»-ը իրար միացնել: Պատճառն այն է, որ երկու ՊՈԱԿ-ներն էլ միևնույն գործառույթներն են իրականացնում:

Նախարարությունը հաշվի է առել օպտիմալացման վե­րաբերյալ հանձնարարականը, ինչ­պես նաև դրանց գործունեության նպատակահարմարության և գործա­ռույթների հստակ ու չկրկնվող լինելու անհրաժեշտությունը:

Ի դեպ, այս որոշումն ուժի մեջ մտնելուց հետո՝ հնգամսյա ժամկետում, նախարարը պետք է ապահովի գույքի հանձնման- ընդունման աշխատանքների կատա­րումը, միաձուլման պայմանագրի և փոխանցման ակտերի հաստատումը: «Ժողովուրդ» օրաթերթը տեղեկա­ցավ, որ իրավահաջորդության կար­գով կստեղծվի «Տիգրան Պետրոսյա­նի անվան շախմատի տուն-մարզադպրոց» ՊՈԱԿ»,-գրում է թերթը։

Մանրամասները՝ թերթի այսօրվա համարում: