Կարեւոր քայլ. Թարմ մսի համայնքային առաջին վաճառակետն է բացվում Սիսիանում
2019 թվականի նոյեմբերի 12-ին ժամը 11:30-ին Սիսիանի համայնքապետարանը կազմակերպում է Թարմ մսի վաճառակետի հանդիսավոր բացում Սիսիան քաղաքի Չարենցի փողոցի թիվ 7/1 հասցեում:
Համայնքային վաճառակետի գործարկումը կարեւոր քայլ է թե սպառողների, թե միս արտադրող ֆերմերների համար: Վաճառակետի առավելություններից մեկն այն է, որ այստեղ սպառողը, թարմ միսը ձեռք բերելով անմիջապես արտադրողից/ֆերմերից, ստանում է անհամեմատ որակյալ ծառայություն, քանի որ ապահովված են ՀՀ օրենսդրությամբ սահմանված պահանջներին համապատասխան անասնաբուժասանիտարական անվտանգության եւ հիգիենիկ բոլոր նորմերը: Ակնկալվում է, որ համայնքային վաճառակետը նաեւ կնպաստի գյուղական բնակավայրերում անասնապահության զարգացմանը՝ ապահովելով ֆերմերների համար համայնքում վաճառք իրականացնելու հնարավորություն եւ կայուն եկամուտ:
Մսի վաճառակետի բացումը հնարավոր է դարձել Շվեյցարիայի Զարգացման եւ Համագործակցության Գործակալության կողմից ֆինանսավորվող «Անասնապահության զարգացում Հայաստանի հարավում» ծրագրի շրջանակներում Սիսիանի համայնքապետարանի եւ «Ռազմավարական զարգացման գործակալություն» (ՌԶԳ) ՀԿ-ի համագործակցության արդյունքում:
«Անասնապահության զարգացում Հայաստանի հարավում» ծրագրի հիմնական նպատակն է նպաստել Սյունիքի եւ Վայոց ձորի մարզերում անասնապահության ոլորտում ներգրավված կին եւ տղամարդ ֆերմերների եկամուտների աճին եւ տնտեսական հնարավորությունների ընդլայնմանը:
Միջոցառմանը ներկա կլինեն ներկայացուցիչներ ՀՀ Տարածքային կառավարման եւ ենթակառուցվածքների նախարարությունից, Սննդամթերքի անվտանգության տեսչական մարմնից, ծրագիրը համաֆինանսավորող Շվեյցարիայի Համադաշնության Զարգացման եւ Համագործակցության Գործակալությունից, Սյունիքի մարզպետարանից եւ այլն:


















































Արվեստանոց՝ սեփական գյուղում
Կրկեսը՝ մանկության երազանքից մինչև մարզային բեմեր
82-ամյա Մայքլ Դուգլասը հանրության առաջ է ներկայացել Քեթրին Զետա-Ջոնսի հետ ամուսնությունից ծնված իր ե...
Հեռուստահաղորդավարուհուն գտել են արյան մեջ՝ իր ննջասենյակում. ամուսինը ձերբակալվել է սպանության կասկ...
Արարատ Միրզոյանն աշխատանքային այցով կգտնվի Էստոնիայի Հանրապետությունում
Առավոտյան բողոքել է ինքնազգացողությունից. Գալյանը՝ Արսեն Գևորգյանի մահվան մասին
Կրկին ակտիվացել են ՆԳՆ անունից զեղծարարության փորձերը
Միլանը հյուրընկալվել էր Ջենոային
Ստեփանծմինդա-Լարս ավտոճանապարհը փակ է բեռնատարների համար
Ինտերը հարազատ Ջուզեպպե Մեացա մարզադաշտում հյուրընկալեց Կոմոյին