Հանրային խորհրդի նախագահ Վազգեն Մանուկյանի տիկնոջը հրավիրել են ոստիկանություն՝ բացատրություն տալու
Վարդուհի Իշխանյանն այսօր Facebook-ի իր էջում գրառում է արել այն մասին, թե ինչպես են ոստիկանությունից փորձել իրեն հրավիրել բացատրություն տալու հոկտեմբերի 30–ի նույն սոցիալական հարթակում գրառման կապակցությամբ, որտեղ Վազգեն Մանուկյանի կինը դատախազությանը հորդորում էր ստուգել ԱԺ պատգամավոր Արման Բաբաջանյանի ֆինանսական միջոցների օրինականությունը:
«Երեկ՝ նոյեմբերի 5-ին ինձ զանգահարեց ոմն անծանոթ և ներկայացավ, որպես ոստիկանության 6-րդ վարչության աշխատող և «հրավիրեց» վարչություն բացատրություն տալու իմ ս․թ․ հոկտեմբերի 30–ի ֆեյսբուքյան գրառման կապակցությամբ։ Պատասխանեցի, որ հրաժարվում եմ ներկայանալ և պարտավոր չեմ բացատրություն տալ (օրնենքով բացատրություն տալու պարտավորություն կամ բացատրություն տալու նպատակով ներկայանալու պարտավորություն ոչ ոք չունի)։ Թվաց, թե հարցը սպառված է, բայց՝ ոչ՚, գրել է Վարդուհի Իշխանյանը։ Նրա գրառման համաձայն, երեկոյան, ժամը մոտ19-ն անց 10-ին, իրենց բնակարանի շեմին նկատել է երկու անծանոթի։ Հարցին, թե ովքեր են, պատասխանել են՝ 6-րդ վարչությունից, և 15 րոպե պահանջել են դուռը բացել և ստորագրել ինչ-ինչ փաստաթղթեր։ «Եվս մեկ անգամ մերժեցի, բացատրելով մեր «փառապանծ» իրավապահ մարմինների աշխատողներին, որ բացատրություն տալ կամ չտալը իմ իրավունքն է, և որ իրենք իրավունք չունեն ինձնից ստիպողաբար բացատրություն կորզել։ Կարծում եմ, ոստիկանները քաջատեղյակ են օրենսդրական կարգավորումներին, ու նման պարագայում այս ամենը ես համարում եմ ոչ միայն «իրավական» ապօրինություններ, այլև սպառնալիքներ իմ և իմ ընտանիքի նկատմամբ», գրել է Վարդուհի Իշխանյանը։


















































Արվեստանոց՝ սեփական գյուղում
Կրկեսը՝ մանկության երազանքից մինչև մարզային բեմեր
82-ամյա Մայքլ Դուգլասը հանրության առաջ է ներկայացել Քեթրին Զետա-Ջոնսի հետ ամուսնությունից ծնված իր ե...
Հեռուստահաղորդավարուհուն գտել են արյան մեջ՝ իր ննջասենյակում. ամուսինը ձերբակալվել է սպանության կասկ...
Արարատ Միրզոյանն աշխատանքային այցով կգտնվի Էստոնիայի Հանրապետությունում
Առավոտյան բողոքել է ինքնազգացողությունից. Գալյանը՝ Արսեն Գևորգյանի մահվան մասին
Կրկին ակտիվացել են ՆԳՆ անունից զեղծարարության փորձերը
Միլանը հյուրընկալվել էր Ջենոային
Ստեփանծմինդա-Լարս ավտոճանապարհը փակ է բեռնատարների համար
Ինտերը հարազատ Ջուզեպպե Մեացա մարզադաշտում հյուրընկալեց Կոմոյին