Իմ Հերոս նախագիծ
Գլխավոր Թոփ լուրեր Լրահոս Վիդեո Թրենդ
ՀԷՑ-ում պատրաստվում են ձմռանը ԿԸՀ-ն դիմելու է վարչական դատարան Մաուրիսիո Պոչետինոն՝ Մանչեսթեր Յունայթեդի գլխավոր մարզիչ Աննա Վարդապետյանը մասնակցելու է Դատախազների միջազգային ասոցիացիայի գործադիր կոմիտեի նիստին Շաքիում հայտնված ադրբեջանցի զինծառայողի գործով նախաքննությունն ավարտվել է Պերեսը նախատեսում է վաճառել Ռեալի բաժնետոմսերի մի մասը Արտակարգ դեպքի հետքերով ՊԵԿ-ը պարզաբանում է տարածել (տեսանյութ) Ալիևը հայտարարել է գազի մատակարարումները մեծացնելու ծրագրերի մասին Իրանը կարող է հրթիռներով հարձակվել 1500 կմ հեռավորության վրա գտնվող թիրախների վրա Պատմական դռներ հուշադրամների շարք. Սևանավանք ԱԷՄԳ մտահոգված է Սպահանի օբյեկտ մուտք գործելու հնարավորության բացակայությամ

ՀԷՑ-ում պատրաստվում են ձմռանըԿԸՀ-ն դիմելու է վարչական դատարանՄաուրիսիո Պոչետինոն՝ Մանչեսթեր Յունայթեդի գլխավոր մարզիչ Աննա Վարդապետյանը մասնակցելու է Դատախազների միջազգային ասոցիացիայի գործադիր կոմիտեի նիստինՇաքիում հայտնված ադրբեջանցի զինծառայողի գործով նախաքննությունն ավարտվել էՊերեսը նախատեսում է վաճառել Ռեալի բաժնետոմսերի մի մասըԱրտակարգ դեպքի հետքերովՊԵԿ-ը պարզաբանում է տարածել (տեսանյութ)Ալիևը հայտարարել է գազի մատակարարումները մեծացնելու ծրագրերի մասինԻրանը կարող է հրթիռներով հարձակվել 1500 կմ հեռավորության վրա գտնվող թիրախների վրաՊատմական դռներ հուշադրամների շարք. ՍևանավանքԱԷՄԳ մտահոգված է Սպահանի օբյեկտ մուտք գործելու հնարավորության բացակայությամԵրևանի քրեական ոստիկանները ձերբակալել են սպանության փորձի մեղադրանքով հետախուզվողի (տեսանյութ)Էմմանուել Մակրոնը հորդորել է Արսեն Վենգերին պայքարել ՖԻՖԱ-ի նախագահի պաշտոնի համարԱֆղանստանում կանանց արգելված է սովորել բժշկական ուսումնական հաստատություններումՄոսկվայում ավտոմեքենայի պայթյուն է տեղի ունեցելՊատրաստվածություն, պատասխանատվություն և թիմային աշխատանք (տեսանյութ)Իտալիայի, Լեհաստանի և Նիդերլանդների ոստիկանության կցորդների պատվիրակությունն այցելել է ՀՀ-ում ԵՄ առաքելությունԿատարվել է Վանաձոր-Ալավերդի-Բագրատաշեն ավտոճանապարհի միջին նորոգումLed Zeppelin ռոք խմբի վոկալիստ Ռոբերտ Փլանթը համերգով հանդես կգա ԵրևանումՀայկ Մարտիրոսյանն այսօր ուժերը կչափի Մագնուս Կառլսենի հետԱյս գիշեր Հաղթանակի կամրջով և Աբովյան փողոցի մի հատվածում երթեւեկությունը կդադարեցվիՕդի ջերմաստիճանը կբարձրանա. առանձին շրջաններում սպասվում են տեղումներՀայաստանը ներկայացրել է COP34-ը հյուրընկալելու իր թեկնածությունն ու պատրաստակամությունըԹուրքիայում Հայաստանի հետ սահմանին շարունակվում են երկաթուղու վերականգնման աշխատանքներըԿյանքից հեռացել է Հայաստանի Բարեկամություն պետական անսամբլի հիմնադիր Նորայր ՄեհրաբյանըՈւրբաթ 13․ ինչո՞ւ են մարդիկ վախենում այս ամսաթվիցՈրքա՞ն է տևում թոքաբորբի բուժումը Երևանում շարունակվում է ճանապարհների միջին նորոգումը (տեսանյութ)Չինաստանի ազգային օպերային թատրոնում ամփոփվեցին Խաչատրյանի անվան երիտասարդական միջազգային մրցույթի արդյունքներըԻտալիայի հավաքականը Միլանում 3–1 հաշվով հաղթել է ՖրանսիայինՀասցեների միասնական էլեկտրոնային բազա․ ի՞նչ կփոխվիԿիևը փորձում է պարզել տեղի ունեցածի բոլոր հանգամանքները ամերիկյան կողմի հետՄեկնարկել են ԼՂ-ից տեղահանվածների սոցաջակցության հոկտեմբերի վճարումներըՊայթյուն գազալցակայանում․ տուժածներ չկանԱնձի ֆունկցիոնալության գնահատում ստանալու անհրաժեշտ քայլերն ու գործընթացի մանրամասներըԿիպրոսի հավաքականն արդեն ապահովել է երկրորդ տեղըNvidia ընկերության տնօրենը հրաժարական է ներկայացրելՎաշինգտոնում՝ Սպիտակ տնից ոչ հեռու, անհայտ անձը կրակ է բացել մարդկանց վրաՍպիտակի ԲԿ-ն կհամալրվի ժամանակակից ակնաբուժական սարքավորումներովՀաղթենք դիաբետը միասինԽորհուրդ եմ տալիս` թող զբաղվի իր գործերով (տեսանյութ)Բավարիայից Հայաստան. կերտելով համայնքային էներգետիկայի ապագանԱրհեստական բանականության օրեր Հայաստանում Ռոնալդուն Մեթյու Վոնի հետ սկսում է Day 1s նկարահանումներըԻսլամական հեղափոխության պահապանների կորպուսը հարվածել է Բահրեյնում ամերիկյան ռադիոտեղորոշիչ կայանինMicrosoft-ի ծառայությունները միացման հետ կապված խնդիրներ ունենՀակակոռուպցիոն կոմիտեի նախագահն ընդունել է Իտալիայի դեսպանի գլխավորած պատվիրակությանըՈչ սթափ ղեկին մի նստի՛ր (տեսանյութ)Դեպի Սաուդյան Արաբիա չվերթերի կասեցումը երկարաձգվել է
Հայաստան

Երեւանի կենդանաբանական այգու աշխատակիցները նամակով դիմել են վարչապետին եւ քաղաքապետին

Երեւանի կենդանաբանական այգու աշխատակիցներն այսօր՝ նոյեմբերի 5–ին, նամակ են հանձնել ՀՀ Կառավարություն եւ Երեւանի քաղաքապետարան իրենց կարծիքը հայտնելով վերջին օրերին կատարված իրադարձությունների եւ դրան հոջորդած՝ տնօրենի հրաժարականի դիմումի վերաբերյալ։ Այս մասին NEWS.am-ի հետ զրույցում ասել է Երեւանի կենդանաբանական այգու տնօրենի օգնական Վալյա Մարգարյանը։


Նրա խոսքով՝ երեկ կենդանաբանական այգում ժողով է հրավիրվել, ապա նամակ են գրել եւ աշխատակիցները նամակի տակ ստորագրել են։

«Ժողովի սկզբում ներկա է եղել նաեւ այգու տնօրեն Ռուբեն խաչատրյանը, սակայն կարճ ժամանակ անց գնացել է եւ աշխատակիցներն առանց նրա են շարունակել ժողովը։ Նամակ ենք գրել ուղղված վաչապետ Նիկոլ Փաշինյանին եւ Երեւանի քաղաքապետ Հայկ Մարությանին»։

Նամակում գրվում է, որ այգու աշխատակիցները դեմ են տնօրեն Ռուբեն խաչատրյանի լիազորությունների դադարեցմանը եւ հորդորում են, որպեսզի տնօրենը օրենքով սահմանված ժամկետում հետ վերցնի իր հրաժարականի դիմումը։

Նամակում մասնավորապես գրված է. «ՀՀ ՎԱՐՉԱՊԵՏ ՆԻԿՈԼ ՓԱՇԻՆՅԱՆԻՆ պատճենը՝ ԵՐԵՎԱՆԻ ՔԱՂԱՔԱՊԵՏ ՀԱՅԿ ՄԱՐՈՒԹՅԱՆԻՆ «Երևանի կենդանաբանական այգի» ՀՈԱԿ-ի աշխատակիցներից

Մեծարգո՛ պարոն վարչապետ, հարգելի՛ պարոն քաղաքապետ, Մենք՝ Երևանի կենդանաբանական այգու ներքոստորագրյալ աշխատակիցներս, ստիպված ենք կրկին անգամ նամակով դիմելու Ձեզ.

Մեր կարծիքն ենք հայտնում վերջին օրերին կատարվող իրադարձությունների և դրան հաջորդած՝ մեր տնօրենի հրաժարականի դիմումի վերաբերյալ։ Հայտնում ենք, որ միանշանակ ԴԵՄ ենք նրա լիազորությունների դադարեցմանը՝ հորդորելով նրան օրենքով սահմանված ժամկետում ետ վերցնելու իր հրաժարականի դիմումը։

Հրապարակայնորեն հայտարարում ենք, որ «Երևանի կենդանաբանական այգի» ՀՈԱԿ-ի ողջ աշխատանքային կոլեկտիվը միահամուռ և անձնվեր աշխատում է Երևանի կենդանաբանական այգին միջազգային ստանդարտներին համապատասխանեցնելու ուղղությամբ, որի տեսլականը մշակել է ներկայիս տնօրեն Ռուբեն Խաչատրյանը դեռ 2011թվականին: Մեր թիմի և ղեկավարի աշխատանքի արդյունավետության մասին է վկայում տարեկան 250հզ-ից 300հզ այցելուների թվաքանակը, որը չի գրանցվել Կենդանաբանական այգու 80-ամյա պատմության ընթացքում, ինչպես նաև վերջիններիս արձագանքը՝ Այգին 8 տարի առաջ և հիմա տեսնելով։

Այգու զարգացումը, մեր աշխատանքային պայմանների էական բարելավումը, կենդանիների կենսապայմանների ակնբախ բարելավումը, միջազգային համագործակցության օրեցօր ընդլայնումը և բազմաթիվ այլ դրական փոփոխություններ տեղի են ունեցել մեր թիմի միասնական, նվիրական ջանքերով և մենք թույլ չե՛նք տալու, որ այս տեսլականը որևէ կերպ ընդհատվի կամ խաթարվի:

Անդրադառնալով վերջին 2 օրերին Այգում գրանցված թափառող շների հարձակմանը Այգու թվով 3 կենգուրուների և մուֆլոնների վրա, շեշտենք, որ անգամ աշխարհի ամենազարգացած կենդանաբանական այգիները ապահովագրված չեն նմանատիպ դեպքերից, ինչպես օրինակ՝ Ռոստովի կենդանաբանական այգում 2 տարի առաջ գրանցված միջադեպը, երբ շների ոհմակը 9 գլուխ կենգուրու էր հոշոտել, 1 տարի առաջ Ուկրաինայում՝ Նիկոլաևի կենդանաբանական այգու դեպքը, անգամ Մոսկվայի կենդանաբանական այգու դեպքը, որի՝ չորս կողմից պարսպապատման փաստը նույնիսկ չխանգարեց թափառող կենդանիներին մուտք գործել տարածք և վնասել սմբակավորներին:

Նմանատիպ դեպքերը, հատկապես վերջին տարիներին բազմիցս քաղաքային իշխանություններին դիմելու մեր թիմի և տնօրենի կոչերը՝ ԵԿԱ ողջ տարածքը պարսպատելու հորդորով, պիտի ոչ թե առիթ հանդիսանային տնօրեն հեռացնելու կամ հորդորելու, որ աշխատանքից ազատման դիմում ներկայացնի, այլ լուրջ ազդակ դառնար՝ ֆինանսավորում հատկացնելու՝ այգու համար կենսականորեն անհրաժեշտություն հանդիսացող պարսպի կառուցման համար։

Արդեն լրացավ չորրորդ օրը, որ մենք՝ ԵԿԱ ամբողջ աշխատակազմը, առանց հանգստի, 24 ժամ աշխատում են՝ տարածքից բռնելով արդեն իսկ 10 գլուխ շներ։ Մենք գիտակցում ենք, որ խախտում ենք բոլոր հնարավոր օրենքներն աշխատանքային իրավունքի ու մեր հանգստի տեսանկյունից, սակայն, չենք կարող թույլ տալ շների ներխուժման այլ դեպք:

Մենք տեղյակ ենք նաև, որ ԵԿԱ շուրջ պարսպի կառուցման համար Երևանի քաղաքապետարանը բանակցում է Այգու հարակից տարածքում ապրող անձանց հետ, քանի որ ԵԿԱ ներկայիս տարածքն ունի բարդ ռելիեֆ և ֆիզիկապես հնարավոր չէ կամ խիստ բարդ է այդ պարագծով պարսպի կառուցումը։ Ի վերջո, նույն Երևանի կենդանաբանական այգում, ստեղծման օրվանից կենդանիները պարբերաբար դարձել են շների և այլ կենդանիների հարձակման զոհ՝ անկախ այն հանգամանքից, թե ովքեր են այդ տարիներին աշխատել որպես տնօրեն։

Շատ հաճախ կասկածի տակ են առնվում ու մի քանի անհատների կողմից շահարկվում նաև ԵԿԱ աշխատակիցների մասնագիտական կազմի, նրանց կրթության, փորձի առկայությունը։ Կենդանաբանական այգու մասնագետներ ոչ մի ԲՈՒՀ չի պատրաստում, մենք, տարիներ ի վեր աշխատելով այստեղ, մանրակրկիտ և բազմակողմանի տիրապետում ենք աշխատանքային բոլոր նրբություններին և դա ձեռք ենք բերել գործող տնօրենի ջանքերի և նվիրվածության շնորհիվ, անցել ենք մի շարք անվճար վերապատրաստումներ աշխարհի ամենազարգացած և օրինակելի կենդանաբանական այգիներից հրավիրված լավագույն մասնագետների կողմից։ Այս առումով Երևանի քաղաքապետարանը խնդիր է դրել ԵԿԱ կառավարման և գիտական խորհրդի ստեղծման, որի համար նույնիսկ փոխել ենք Այգու կանոնադրությունը։

4-5 անձից բաղկացած խմբի կողմից ցույցերի ու պիկետների միջոցով պարբերաբար խաթարվում է Երևանի կենդանաբանական այգու բնականոն աշխատանքը՝ անհարմարություններ պատճառելով ինչպես այգու հարյուրավոր այցելուներին, այնպես էլ մեզ՝ ու Այգի այցելող զբոսաշրջիկներին՝ միաժամանակ վարկաբեկելով Երևան քաղաքի հեղինակությունն ու վարկը։

Այդ խումբը ղեկավարվում և ուղղորդվում է կասկածելի կենսագրությամբ մարդկանց կողմից: Այդ գործընթացում ընդգրկված են անձինք, որոնց մասին նույնիսկ միջազգային մամուլում են եղել քրեական տարրեր պարունակող հրապարակումներ:

Ցավալիորեն, թե՛ այգու մուտքի, թե՛ քաղաքապետարանի առջև, և թե այլ վայրերում նրանց կողմից իրականացվող ցույցերին, այլ անձինք, ներկայանալով որպես Այգու աշխատողներ, կամ մտահոգ մարդիկ ու «կենդանասերներ», բազմապատկում են կեղծ լուրերի ու տեղեկությունների չափաքանակը՝ թյուրիմացության մեջ գցելով մեր հասարակությանը:

Մեկ անգամ ևս ուզում ենք հայտարարել, որ նրանք Երևանի կենդանաբանական այգու աշխատակիցներ չեն, իսկ նրանցից մի քանիսը, որոշ ժամանակաշրջան աշխատելով Այգում, դա արել են բացառապես ի վնաս այգու և ի շահ իրենց մութ նպատակների՝ լինելով բաժնի վարիչներ, արտոնյալ պայմաններ են ստեղծել իրենց համար՝ այգու տարածքում զբաղվելով կասկածելի գործունեությամբ, ընդգրկվել կենդանիների առուծախի կոռուպցիոն գործարքներում, կազմակերպել կենդանիների վճարովի ցուցադրություններ, որից ստացված եկամուտը չեն մուտքագրել կենդանաբանական այգու բյուջե:

Այս ամենը ստվեր է գցում մեր ամենօրյա ծանր, բայց միևնույն ժամանակ նվիրված ու մեծ սիրով կատարվող աշխատանքի վրա, վարկաբեկում է մի ամբողջ աշխատանքային կոլեկտիվի ձեռքբերումը, որոնք ակնբախ են, թե՛ այցելուների, թե՛ միջազգային գործընկերների, թե՛ ողջ հասարակության համար:

Նրանց կողմից բարձրաձայնված կեղծ տեղեկությունները իբր Այգում մասսայական կենդանիներ են անկվում կամ սպանդի ենթարկվում՝ հերքվել են թե՛ տեղացի, թե՛ միջազգային մասնագետների կողմից։

Մենք լիահույս ենք և հավատացած, որ Դուք ԵԿԱ տնօրենի ազատման դիմումի հետ կապված ճիշտ և կառուցողական որոշում կկայացնեք։ Հավատացած ենք, որ Դուք կհասկանաք մեզ և Ձեր կողմից կոշտ արձագանք կստանա այս ուղղորդված պայքարը, և Ձեր տեսակետը կհայտնեք ԵԿԱ տնօրենի ազատման դիմումի ներկայացման և դրա չմակագրման վերաբերյալ՝ շարժվելով այն առաջնակետից, որ ամբողջ աշխատանքային կոլեկտիվն է ԴԵՄ, որ հեռանա իր աշխատանքին այսքան մեծ նվիրում դրսևորող և իր անձնակազմին մեծարող տնօրենը:

Հարգանքով, լիահույս սպասումներով՝ Երևանի կենդանաբանական այգու աշխատակազմ

Հ.Գ.

Շահարկումներից զերծ մնալու համար, մենք՝ ներքոստորագրյալներս հավաստում ենք, որ տեղյակ ենք նամակի բովանդակությանը և ստորագրությունները մերն են։

Սույն նամակի բովանդակությունը քննարկվել և ընդունվել է կոլեկտիվի 2019թվականի նոյեմբերի 04-ին ժամը 14։00-ին կայացած աշխատանքային ժողովի ընթացքում։ Միաժամանակ ժողովի ընթացքում ընդունվել է որոշում՝ սույն նամակի տեքստը հրապարակել սոցիալական ցանցերում և ԶԼՄ-ներում»։