ԵԽ ներկայացուցիչները որեւէ համոզիչ փաստարկ չներկայացրեցին, թե ինչու պետք է վավերացնենք այդ կոնվենցիան. Գեւորգ Պետրոսյան
Որեւէ համոզիչ փաստարկ չներկայացրեցին, թե ինչու մենք պետք է վավերացնենք Ստամբուլյան կոնվենցիան: Այս մասին այսօր՝ նոյեմբերի 1-ին, ԱԺ-ում Եվրոպայի խորհրդի բարձրաստիճան պաշտոնյաների մասնակցությամբ տեղի ունեցած քննարկումից հետո լրագրողների հետ զրույցում նշեց ԲՀԿ խմբակցության պատգամավոր Գեւորգ Պետրոսյանը:
«Մեր գործընկերները, այդ թվում մեր խմբակցության պատգամավորներ Նաիրա Զոհրաբյանը, Վահե Էնֆիաջյանը, Շաքե Իսայանը, բոլորս էլ հիմանականում բարձրացրեցինք հետեւյալ հարցը, թե ՀՀ օրենսդրության այդ ո՞ր նորմն է բացակայում բռնությունները պատժելու հարցում, որ դրա բացակայությունը կարող է լրացվել բացառապես կոնվենցիայով: Ոչ մի պատասխան չհնչեց:
Իմ հաջորդ հարցը, ասում եմ՝ հարգելի գործընկերներ, դուք ունե՞ք տվյալներ, գոնե մեկ դեպք ՀՀ-ում, որ ասենք, ենթադրյալ բռնության ենթարկված կինը դիմել է ոստիկանություն կամ դատախազություն եւ քրգործի հարուցումը մերժվել է բռբնության համար պատասխանատվություն նախատեսող նորմի բացակայության պատճառով: Դարձյալ պատասխան չհնչեց:
Ես նաեւ ասացի, հարգելիներս, ձեր երկրներում կա՞ վիճակագրություն, թե կոնվենցիան վավերացնելուց հետո ընտանիքում բռնությունների ինչպիսի դինամիկա կա: Էլի որեւէ պատասխան չհնչեց»,-ասաց Գեւորգ Պետրոսյանը:
Նա հավելեց, որ Ստամբուլյան կոնվենցիան վավերացնելուց հետո երկու
Ու սեռափոխված կամ նույնասեռական փորձելու են իրենց սերը սրբագործել քաղաքացիական կացության ակտերի գրանցման մարմնում (ԶԱԳՍ) եւ եթե այդ մարմինը մերժեց իրենց գրանցել, վազելու են վարչական դատարան դատարանի ԶԱԳՍ-ի անգործությունը վիճարկելու պահանջով. «Երկու սեռափոխված, որ դժբախտաբար որոշել են իրավահաջորդն ունենալ այս կյանքում, կարող է ուզենան որդեգրել մի տղայի»:
Գեւորգ Պետրոսյանը նշեց, որ այդ հանդիպմանը «Իմ քայլի» պատգամավորները եւս նույն դիրքորոշումներն են հայտնել՝ «ի պատիվ իրենց»: «Ես այնտեղ որեւէ դեմ կարծիք մեր դիրքորոշմանը չլսեցի»,-ասաց ԲՀԿ պատգամավորը՝ տեղեկացնելով, որ «Իմ քայլից» մասնակցում էին, մասնավորապես, Մարիա Կարապետյանը, Թագուհի Ղազարյանը, Ռուբեն Ռուբինյանը:
Գեւորգ Պետրոսյանը հույս հայտնեց, որ ՍԴ-ն հակասահմանադրական կհամարի այդ կոնվենցիան, քանի որ ՍԴ-ն «համալրված է ավանդապաշտ մարդկանցով»: Նա պարզաբանեց, որ եթե ՍԴ-ն հակասահմանադրական ճանաչի կոնվենցիան, այն չի կարող վավերացվել:
Նշենք, որ այսօր ԱԺ-ում տեղի է ունեցել պատգամավորների և Եվրախորհրդի բարձրաստիճան ներկայացուցիչների համատեղ քննարկումը՝ կապված Ստամբուլյան կոնվենցիայի վավերացման հետ: Քննարկումը փակ էր: Հանդիպմանը մասնակցել են Վենետիկի հանձնաժողովի փոխնախագահ Վերոնիկա Բելկովան և Գրեվիոյի նախագահ Մարսելին Նաուդին:
Միաժամանակ ԱԺ բակում Ստամբուլյան կոնվենցիայի վավերացման դեմ բողոքի ակցիա է տեղի ունեցել:
Հունվարի 27-ը սահմանվել է որպես Հայրենիքի պաշտպանության համար զոհվածների հիշատակի օր
Ինչու են նոր մոդելները թանկանում, իսկ միլենիալները վազում վինտաժի հետևից
Ո՞ւմ է ուզում ԱԺ նախագահ դարձնել Փաշինյանը
Ինքնակամ կառույցները հնարավոր կլինի օրինականացնել․ հաշվառման կարգն ուժի մեջ կմտնի հունվարի 20-ից
ՀՀ ԱԺ ութերորդ գումարման տասնմեկերորդ նստաշրջանի հերթական նիստ
Տարիներ անց սովորական գործընթաց է լինելու, երբ Հայաստանից կամ Ադրբեջանից մեր քաղաքացիները կարողանալո...
Արամ Ա Վեհափառը քննարկել է Լիբանանում ստեղծված իրավիճակն ու հայ համայնքի դրությունը
Նոր մանրամասներ Լուվրի կողոպուտի մասին
Գագիկ Սարգսյանը հրաժարական է ներկայացրել Հայաստանի դահուկավազքի և սնոուբորդի ֆեդերացիայի նախագահի պա...
Լավրովը Մակրոնին հիշեցրել է Նապոլեոնին ու Հիտլերին՝ խոսելով Ռուսաստանի պատմության մասին