Ստամբույան կոնվենցիայի վավերացման դեմ բողոքի ակցիա՝ Ազգային ժողովի շենքի առջեւ (ուղիղ)

Ստամբուլյան կոնվենցիայի վավերացմանը դեմ` «Կամք» նախաձեռնության անդամներն այսօր` նոյեմբերի 1-ին, բողոքի ակցիա են անցկացնում Ազգային ժողովի շենքի առջեւ:

Ըստ նախնական տեղեկությունների` այսօր ԱԺ-ում Ստամբուլյան կոնվենցիայի վերաբերյալ քննարկում են ընթանալու Երեւան ժամանած` Եվրոպայի խորհրդի բարձրաստիճան պաշտոնյաների մասնակցությամբ:

Հայաստանը «Կանանց նկատմամբ բռնության եւ ըտանեկան բռնության կանխարգելման» կոնվենցիան ստորագրել է դեռ 2018թ., սակայն Ազգային ժողովը մինչ այսօր չի վավերացրել այն: Փաստաթղթը միանշանակ չի ընդունվել հանրության կողմից, դրա ընդդիմախոսների պնդմամբ այն դեմ է մեր ազգային արժեքներին, խթանում է միասեռականների ամուսնությունը: Նրանք փաստաթուղթը չվավերացնելու պահանջով ստորագրահավաք են նախաձեռնել, որին արդեն միացել է 50 հազարից ավելի մարդ:

Ազգային ժողովի խմբակցությունները, որոնք պետք է վերջնական քայլով վավերացնեն փաստաթուղթը, դեռ հստակ դիրքորոշում չունեն: