Ծրագրվում է նոր ինքնաթիռ գնել Հայաստանի վարչապետի համար
Հայաստանի վարչապետի աշխատակազմը դիտարկում է նոր ինքնաթիռի ձեռքբերման հնարավորությունը կառավարության ղեկավարին սպասարկելու համար։ Այս մասին խորհրդարանական մշտական հանձնաժողովների համատեղ նիստում, 2020 թվականի պետբյուջեի նախնական քննարկումների ժամանակ, հոկտեմբերի 30-ին ասաց Հայաստանի վարչապետի աշխատակազմի ղեկավար Էդուարդ Աղաջանյանը՝ պատասխանելով «Լուսավոր Հայաստան» կուսակցության պատգամավոր Անի Սամսոնյանի հարցերին, որը քննադատեց Նիկոլ Փաշինյանի թանկարժեք այցելությունն ԱՄՆ։
Աղաջանյանի խոսքով՝ ինքնաթիռը, որը սպասարկում է վարչապետին, տեխնիկապես չի կարող հատել օվկիանոսը (դա նույն ինքնաթիռն է, որը սպասարկել է նախկին նախագահ Սերժ Սարգսյանին- խմբ.)։
«Ես այդ հարցը քննարկել եմ Հայաստանի վարչապետի խորհրդական Հակոբ Չախարյանի հետ, որն օդաչու է։ Նախ, Չախարյանի խոսքով՝ դա մեզ վրա միլիոնավոր դոլարներ կնստի։ Մենք նաեւ խնդիր ունենք՝ կապված այն բանի հետ, որ մեր օդաչուները տրանսատլանտյան չվերթներ կատարելու արտոնագիր չունեն։ Բայց մենք դիտարկում ենք նոր ինքնաթիռ գնելու հնարավորությունը»,- բացատրել է Աղաջանյանը։
Նա միաժամանակ նշել է, որ հարցն առայժմ գտնվում է քննարկումների փուլում, բայց նկատել է, որ գործող ինքնաթիռը վաղուց արդեն բավական հին է եւ չի համապատասխանում որոշ ստանդարտների։
Նշենք, որ եկող տարի վարչապետի աշխատակազմի ֆինանսավորումն ավելանալու է 4 մլրդ դրամով։


















































Արվեստանոց՝ սեփական գյուղում
Կրկեսը՝ մանկության երազանքից մինչև մարզային բեմեր
82-ամյա Մայքլ Դուգլասը հանրության առաջ է ներկայացել Քեթրին Զետա-Ջոնսի հետ ամուսնությունից ծնված իր ե...
Հեռուստահաղորդավարուհուն գտել են արյան մեջ՝ իր ննջասենյակում. ամուսինը ձերբակալվել է սպանության կասկ...
Առավոտյան բողոքել է ինքնազգացողությունից. Գալյանը՝ Արսեն Գևորգյանի մահվան մասին
Կրկին ակտիվացել են ՆԳՆ անունից զեղծարարության փորձերը
Ինտերը հարազատ Ջուզեպպե Մեացա մարզադաշտում հյուրընկալեց Կոմոյին
Ստեփանծմինդա-Լարս ավտոճանապարհը փակ է բեռնատարների համար
Միլանը հյուրընկալվել էր Ջենոային
Վարչապետն ընդունել է Իրանի փոխնախագահի գլխավորած պատվիրակությանը