Թերեզա Մեյը խոստացել է կազմակերպել իր հաջորդի ընտրությունները Brexit-ի շուրջ քվեարկության հերթական տապալման դեպքում

Մեծ Բրիտանիայի վարչապետ Թերեզա Մեյը խոստացել է իր հաջորդի ընտրության համար ժամանակացույց կազմել Brexit-ի հարցով հաջորդ քվերակությունից հետո, որը կայանալու է հունիսի սկզբին:

Ինչպես հայտնում է BBC News-ը, այս մասին համաձայնություն է ձեռք բերվել վարչապետի և Պահպանողական կուսակցության ավագ պատգամավորների հետ հանդիպման արդյունքում: Մեյի կուսակիցները պահանջում են, որ նա հստակեցնի Դաունին սթրիթից (վարչապետի նստավայրը - Tert.am) հեռանալու ամսաթիվը:

Պարբերականի աղբյուրների փոխանցմամբ՝ եթե նա հաջողության չհասնի Brexit-ի մասին համաձայնագրի շուրջ քվեարկության հարցում, որն արդեն մերժվել է երեք անգամ, հրաժարական կտա: