«Ամերիկացիները ճնշման լծակներ են պատրաստում Իրանի նկատմամբ՝ Ղարաբաղյան հիմնախնդրի միջոցով». Սերգեյ Միխեև (տեսանյութ)
ՌԴ Կասպյան համագործակցության ինստիտուտի գլխավոր տնօրեն Սերգեյ Միխեևը «Россия 1» հեռուստաալիքով հեռարձակվող «Երեկոն Վլադիմիր Սոլովյովի հետ» հեռուստահաղորդման ընթացքում հայտարարել է, որ Միացյալ Նահանգները ձգտում է ճնշում գործադրել Իրանի վրա Ղարաբաղյան հիմնախնդրի միջոցով, ավելին՝ Միխեևը պնդել է, որ ԱՄՆ նախագահի ազգային անվտանգության հարցերով խորհրդական Ջոն Բոլթոնն իր այցի ժամանակ նման առաջարկ է փոխանցել Հայաստանի իշխանություններին:
Ռուս քաղաքագետի կարծիքով՝ Հարավային Կովկաս այցելած Բոլթոնն այստեղ էր ժամանել նաև հենց այդ հարցի քննարկման նպատակով: Միխեևը նաև մեղադրել է ՀՀ ներկայիս իշխանություններին ամերիկամետ լինելու համար:
«Իրանի շուրջ ամերիկյան ռազմավարության մեջ կա մի հարց, որը մեզ մոտ դեռ չի քննարկվում, սակայն այն բավականին վտանգավոր է մեզ համար. դա Հայաստանն է: Ամերիկացիները վախենում են պատերազմել Իրանի հետ, սակայն, անկասկած, այս կետից ճնշման լծակներ են պատրաստում նրա դեմ: Ի՞նչ է կատարվում հիմա: Հայաստանում տեղի է ունեցել իշխանափոխություն: Պատմել, որ նրանք որևէ կերպ կապված չեն ամերիկացիների հետ, պոլիտկոռեկտություն է, ինչն իմ ոճի մեջ չէ: Նրանք ուղիղ կապ ունեն ամերիկացիների հետ»,- հայտարարել է Միխեևը:
«Ամերիկացիները խոստանում են ներկայիս հայկական իշխանություններին լուծել Ղարաբաղի խնդիրը, ասում են նրանց՝ «հանձնեք շրջանները, իսկ մենք այնտեղ ամերիկյան զորախումբ կմտցնենք և Իրանի վրա հյուսիսից ճնշման բազա կստանանք»: Ահա սա տարբերակներից մեկն է, որն ամերիկացիները փորձում են իրականացնել Անդրկովկասում»,- հավելել է նա:
Միխեևը նշել է, որ դա նրանց մոտ չի ստացվի, սակայն «այն, որ նման տարբերակ հայերին առաջարկվում է, ճշմարտություն է»:
Սերժ Սարգսյանը պատասխանել է հարցին՝ կմասնակցի՞ առաջիկա ընտրություններին
Լուկաշենկոն խոսել է նախագահի պաշտոնից հեռանալու մասին
ՆԱՏՕ-ն հայտարարել է, որ երկարատև պատերազմի համար դաշինքը բավականաչափ դիմացկուն չէ
Հոգեբուժական փորձաքննությունը հաստատել է, որ Լարիսա Դոլինան վաճառել է բնակարանը հոգեկան անառողջ վիճա...
Աբովյանի 37-ամյա բնակչուհին կեղծ թղթադրամներ էր իրացրել մի շարք բնակավայրերում. նա ձերբակալվել է
Գերագույն հոգևոր խորհրդի ժողով՝ Մայր Աթոռ Սուրբ Էջմիածնում
Մասնագետները որոշել են այն տարիքը, որից մարդիկ պետք է դադարեցնեն մեքենա վարելը
Նախատոնական օրերին Պարեկային ծառայությունը շուրջօրյա վերահսկողություն է իրականացնում խոշոր առևտրի կե...
Ղարաբաղի ժողովուրդը ոչինչ չի շահի Ղարաբաղ վերադառնալուց․ Նիկոլ Փաշինյան
Մարդկանց մի մասը գոռում է Վեհափառ, մի մասը՝ հեռացիր (տեսանյութ)