11-ամյա տղան սպանել է իր տատիկին՝ սենյակը մաքրելու խնդրանքի համար
ԱՄՆ Արիզոնա նահանգում 11-ամյա տղան սպանել է իր տատիկին, երբ 65-ամյա կինը խնդրել է իրեն մաքրել սենյակը:
Ինչպես նշում է Daily Mail-ը, տղան փամփուշտն արձակել է կնոջ՝ Իվոն Վուդարդի գլխին, իսկ հետո նույն ատրճանակով ինքնասպան եղել:
Ողբերգական դեպքի ժամանակ տանն է եղել նաև նրա պապիկը, որն իրավապահներին պատմել է, որ կինը թոռանը խնդրել է մաքրել սենյակը, սակայն վերջինս համառել է ու անտեսել կնոջ խնդրանքը:
Երբ տատն ու պապը բազմոցին նստած հեռուստացույց են դիտել, տղան վերցրել է պապի ատրճանակը, հետևից մոտեցել տատին ու կրակել կնոջ գլխին:
Ճակատագրական կրակոցից հետո պապը վազել է տղայի հետևից, սակայն կանգ է առել ու վերադարձել կնոջ մոտ: Որոշ ժամանակ անց կրակոցի ձայն է լսվել: Հետագայում պարզվել է, որ տղան ինքնասպան է եղել: