Ճապոնական ավիաընկերության օդաչուն փորձել է ինքնաթիռ բարձրանալ՝ ալկոհոլի ազդեցության տակ գտնվելով
Ճապոնական Japan Airlines ավիաընկերության օդաչուներից մեկին արգելվել է օդանավ նստել՝ ալկոհոլի ազդեցության տակ գտնվելու պատճառով, գրում է ТАСС գործակալությունը:
Նշվում է, որ միջադեպի պատճառով Տոկիո-Լոնդոն չվերթի օդանավը ստիպված է եղել օդ բարձրանալ երեքի փոխարեն երկու օդաչուով: Այս ավիաընկերությունը նախընտրում է չվերթն իրականացնել երեք օդաչուով՝ նրանց հանգստի համար բավականաչափ ժամանակ տրամադրելու նպատակով:
JAL-ը փաստացի որևէ կանոն չի խախտել, քանի որ երեք օդաչուների ներկայությունը պարտադիր պայման է, եթե չվերթի տևողությունը գերազանցում է 12 ժամը: Իսկ Տոկիո-Լոնդոն չվերթը սովորաբար տևում է 11 ժամ 45 րոպե:
Այնուամենայնիվ, ավիաընկերությունը միջադեպի հետ կապված ներքին քննություն է սկսել: