Օմսկում Հայաստանից ուղարկված 900 ծաղիկ են այրել
«Ռոսսելխոզնադզորի» աշխատակիցները Հայաստանից ինքնաթիռով Օմսկ տեղափոխված ծաղիկների խմբաքանակում վտանգավոր վնասատու են հայտնաբերել՝ ծաղկային տրիպս:
Ինչպես տեղեկացնում է omskregion.info-ն, գերատեսչության աշխատակիցներն այրել են ՌԴ Օմսկ քաղաք ուղարկված գերբերա տեսակի ծաղիկների խմբաքանակը: Խոսքը 900 ծաղկի մասին է:
«Բացառելու համար վտանգավոր վնասատուի տարածումը շրջանի տարածքում սեփականատիրոջը վնասված ծաղիկների ոչնչացման մասին հրաման է տրվել: Հոկտեմբերի 30-ին ծաղիկներն այրվել են»,- տեղեկացրել են գերատեսչությունից:
Ծաղկային տրիպսն ամենավտանգավոր վնասատուներից է, որը փչացնում է բանջարեղենային և ծաղկային մշակաբույսերը: