Իտալիայում հրդեհի ժամանակ մի քանի հարյուր Maserati է այրվել
Իտալական Սավոնա նավահանգստում ջրհեղեղի պատճառով բռնկված հրդեհի հետեւանքով մի քանի հարյուր Maserati ավտոմեքենա է այրվել՝ տեղեկացնում է ՌԻԱ Նովոստին։
Ջրի հոսանքները նախորդ գիշեր ողողել էին բոլոր ավտոկայանատեղիները՝ կարճ միացումների պատճառ դառնալով։ Դա հանգեցրել է մարտկոցների պայթյունների, ինչին հետեւել է հրդեհը, որը միայն հաջորդ առավոտյան է հաջողվել մարել։
«Ոչնչացվել է մի քանի հարյուր Maserati, որոնք նախատեսված էին Մերձավոր Արեւելք արտահանելու համար»,- ասվում է հաղորդագրության մեջ։
Բացի թանկարժեք ավտոմեքենաներից, այրվել են նաեւ «սովորական» բեռնատարներ ու մարդատարներ։ Ըստ Savona News տեղական լրատվամիջոցի, դրանց թիվը մի քանի հազարից անցնում է։