Քոչարյանի փաստաբանները ՄԻԵԴ դիմելու համար հայց են պատրաստում

Քոչարյանի փաստաբանները ՄԻԵԴ դիմելու համար հայց են պատրաստում
ՀՀ նախկին նախագահ Ռոբերտ Քոչարյանը РИА Новости-ի հետ զրույցում հայտնել է, որ իր փաստաբանները ՄԻԵԴ դիմելու համար հայց են պատրաստում` կապված Հայաստանի իշխանությունների կողմից իրեն առաջադրված` սահմանադրական կարգը տապալելու մեղադրանքի հետ:

Քոչարյանը նշել է, որ դրա համար երկրի ներսում հարկավոր է անցնել բոլոր գործընթացները, և կան դեպքեր, երբ լինում է ակնհայտ ճնշում դատարանների վրա: «Իմ դեպքում նման ճնշում կա, և այժմ փաստաբանները պատրաստում են արդեն այդ դիմումը»,- ասել է նա:

Քոչարյանն անդրադարձել է նաև ՀՀ ՀՔԾ և ԱԱԾ ղեկավարների հեռախոսազրույցին` դա որակելով որպես պատմության մեջ չտեսնված մի բան:

«Այնպիսի սկանդալ էր, որից հետո առնվազն պետք է հրաժարականների շարք լիներ, սակայն բոլորը շարունակում են զբաղեցնել իրենց պաշտոնները, բոլորն իրենց բավականին հարմարավետ են զգում, շարունակում այն, ինչով զբաղվում էին: Չնայած այն բանին, որ բռնվել են հանցանք գործելու ժամանակ, սակայն շարունակում են զբաղեցնել իրենց պաշտոնները»,- ասել է նա:

Ըստ ՀՀ նախկին նախագահի` միայն այդ փաստը ոչնչացնում է քրեական գործը, որով նա անցնում է: «ՄԻԵԴ-ի համար այդ փաստը լիովին բավական է: Իսկ քրեական գործը շինծու է, այնտեղ ոչինչ չկա: Ես դա անվանում եմ իրավական աղբ, այլ խոսք հնարավոր չէ գտնել»,- ասել է Քոչարյանը:

Այս թեմայով «Եթե ես հանդիպեմ քեզ հետ, Նիկոլ Փաշինյանն ինձ կուտի»․ Արայիկ Հարությունյանը հրաժարվել է հանդիպել Քոչարյանին Նոյեմբերի 9-ի փաստաթղթով հնարավոր էր պահել Արցախը․ Քոչարյան Այս խայտառակ իրավիճակից միակ ելքը իշխանափոխությունն է, այլապես՝ արագ գլորվում ենք դեպի տոտալ բռնապետություն. Ռոբերտ Քոչարյան Այս անգամ էլ՝ ավելի քան 5 մլն դիտում. Ռոբերտ Քոչարյանի հրապարակային խոսքի դիտումները շեշտակի աճել են Փաշինյանը հանկարծ կարող է SMS ուղարկի, ասի՝ այ ուսապարկ, գործդ տարա, դու այդտեղ վեր ես ընկել, ինչի՞ համար. Քոչարյան