Անվտանգության աշխատակիցները հետապնդո՞ւմ են Արարատի ոսկու կորզման գործարանի աշխատակիցներին
Արարատի «ԳեոՊրոՄայնինգ Գոլդ» ոսկու կորզման գործարանի աշխատակիցները առավոտյան ժամը 8:00-ից գործադուլ են իրականացնում: Այս մասին Tert.am-ի հետ զրույցում տեղեկացրեց գործարանի ավտոմատիկայի ծառայության պետ Վաչագան Դարբինյանը:
Նա մանրամասնեց, որ գործադուլն իրականացնում են՝ առաջին հերթին աշխատակիցների անվտանգության խնդիրներից ելնելով:
«Գործադուլին մասնակցում է 150-ից ավել աշխատակից: Երկու անգամ դիմում ենք տնօրինությանը ներկայացրել, որ կատարվում են անօրինական գործողություններ անվտանգության ծառայության կողմից, անհիմն ստուգումներ են իրականացվում, ճնշումներ են գործադրվում, խնդրել ենք՝ մեզ պատասխանեն գրավոր և բանավոր: Ռուս անվտանգության աշխատակիցները գիշեր-ցերեկ հսկում են աշխատակիցների յուրաքանչյուր քայլը, եթե անգամ գործ չի լինում, մի փոքր հանգստանում ենք, ներկայացնում են տնօրինությանը, և աշխատակիցների աշխատավարձերն անհիմն պահում են »,-շեշտեց նա:
Վաչագան Դարբինյանը մանրամասնեց, որ աշխատակիցներին կրճատում են, անօրինական ձևով աշխատանքից զրկում, ով ընդդիմանում է, իրերի մեջ ոսկի պարունակող նյութ են գցում, սպառնում դատարանով հաշվեհարդար տեսնել:
Վաչագան Դարբինյանը նշեց, որ գործարանում իրենց իրավունքները պարբերաբար ոտնահարվում են, այլ խնդիրներով ակցիաներ ևս իրականացրել են:
Գործարանի աշխատակիցները հույսով են, որ Էներգետիկ ենթակառուցվածքների և բնական պաշարների նախարարությունը խնդիրներին ուշադրություն կդարձնի, իրենց բողոքը լսելի կլինի:
Հիշեցնենք, որ Արարատի ոսկու կորզման գործարանը «ԳեոՊրոՄայնինգ Գոլդ» ընկերությանն է պատկանում: «ԳեոՊրոՄայնինգ» ընկերությունը հիմնադրվել է 2011 թվականին, որը ոսկու և այլ մետաղների դիվերսիֆիկացված ռեսուրսային բազա ունեցող միջազգային մասնավոր ընկերություն է։ «ԳեոՊրոՄայնինգ»-ի ընկերությունները գտնվում են Ռուսաստանում և Հայաստանում։ Հայաստանում «ԳեոՊրոՄայնինգին» է պատկանում նաև ձեռնարկություն՝ Ագարակի պղնձամոլիբդենային կոմբինատը:


















































Կաղնեփայտե տարաների ձեռքբերման համար աջակցություն կտրամադրվի լիզինգի պետական ծրագրով
Կառավարությունն առաջարկում է քրեական պատասխանատվություն սահմանել պոռնկությամբ զբաղվող երեխայի ծառայո...
2027 թվականի հունվարի 2-ից սիգի ձկնկիթի՝ 6 ամսով արտահանման արգելք կսահմանվի
Ազգերի լիգա. Հայաստան – Կիպրոս հանդիպումն ավարտվեց 1:1 հաշվով
ԵՄ-ն Ռուսաստանի դեմ նոր պատժամիջոցներ կսահմանի
ՊԵԿ-ը պարզաբանում է տարածել (տեսանյութ)
Հաղթենք դիաբետը միասին
ՖԻՖԱ-ն ղեկավարում է մի մարդ, ով թույլ է տվել իրեն կուրացնեն
Ոչ սթափ ղեկին մի նստի՛ր (տեսանյութ)
Այս երկու կազմակերպություններին անդամակցելը անհամատեղելի է