Apple-ն աշխատում է վիրտուալ եւ լրացված իրականության ակնոցի ստեղծման ուղղությամբ

Apple-ը սկսել է վիրտուալ եւ լրացված իրկանության տեխնոլոգիաներով էլեկտրոնային ակնոցի ստեղծման աշխատանքները: Այն կարող է ներկայացվել արդեն 2020-ին, հաղորդում է CNET-ը:

Ըստ հրապարակման՝ ընկերության ղեկավար Թիմ Կուկը վստահ է, որ ապագայում լրացված իրականության տեխնոլոգիան էլեկտրոնիկայի շուկայում կարեւոր դեր է խաղալու: Այն արդեն առկա է iPhone-ի ամենավերջին մոդելում՝ iPhone X-ում:

Ի տարբերություն վիրտուալ իրականության, երբ օգտատերը տեսնում է միայն համակարգչի կողմից նկարված նկարը, AR-ը թույլ է տալիս իրական պատկերը համատեղել գրաֆիկական տարրերի հետ: Օրինակ նոր iPhone-ում տեսախցիկի օգտագործման ժամանակ էկրանին առաջանում են դինոզավրեր կամ ռոբոտներ, որոնք կադրում փոխազդում են իրական առարկաների հետ:

Սակայն Т288 անվանումով նախագիծը դեռ ծրագրման փուլում է եւ շատ փոփոխություններ կարող են լինել:

news.am

Այս թեմայով Հայտնի է ցանկացած iPhone կոտրելու միջոցը Apple-ը հասանելի է դարձրել մարդկանց տեղաշարժի մասին վիճակագրական տվյալները Apple-ը միանգամից երկու ոչ թանկ սմարթֆոն է պատրաստում iPhone SE-ին փոխարինելու համար Apple կորպորացիայի բաժնետոմսերի արժեքը նոր ռեկորդ է սահմանել Աշխարհում ամենատարածված iPhone-ի գնի ռեկորդային անկում է գրանցվել