Հիպնոսը օգնեց բրիտանուհուն 25 կիլոգրամով նիհարել

Բրիտանուհին 25 կիլոգրամ նիհարեց այն բանից հետո, երբ հիպնոսի միջոցով իրեն ներշնչեցին, որ նա ենթարկվել է ստամոքսի փոքրացման վիրահատության: Մինչ բուժումը նա կշռում էր 98 կիլոգրամ:

35-ամյա Մարիոն Կորնսը փորձում էր դեղորայքային պատրաստուկների, դիետաների, ինչպես նաև ֆիզիկական մարզումների միջոցով պայքարել ավելորդ քաշի դեմ: Սակայն նա ցանկալի արդյունքի չէր կարողանում հասնել: Կորնսը որոշեց դիմել Իսպանիայում գտնվող Elite Clinic կլինիկային: Նրա ընկերը այդ կլինիկայի մասնագետների օգնությամբ կարողացել էր ծխելը թողել:

Թերապևտի հետ խորհրդակցելուց հետո Կորնսը մասնակցեց հիպնոսի 5 սեանսի: Ներշնչումից առաջ նրան ցույց տվեցին ստամոքսի մի մոդել, որը փոքրանում էր բանդաժի օգնությամբ: Նաև բացատրեցին  ազդեցությունը: Սեանսների ժամանակ հատուկ սարքերի օգնությամբ այնպիսի պատրանք էր ստեղծվում, որ կինը գտնվում է վիրահատարանում:

Հինգ այդպիսի սեանսից հետո, կինը զգաց, որ այլևս չի կարողանում նախկինի չափ ուտել: Իր իսկ խոսքերով սննդի ավելորդ կտորը պարզապես կուլ չէր գնում: Այս ամենի արդյունքում նրա քաշը սկսեց նվազել, ինչպես նա կնիհարեր իրական վիրահատության դեպքում: Այժմ նա նիհարել է 25 կիլոգրամ: Բուժումը որևէ կողմնակի ազդեցություններ չի առաջացրել:

Ինչպես կինը պատմել է հարցազրույցի ժամանակ, նա ամենայն մանրամասնությամբ հիշում է վիրահատության ընթացքը: