Կիմ Չեն Ընը կնոջ հետ միասին տրոլեյբուսով շրջել է գիշերային Փհենյանով
Կորեայի Ժողովրդա-Դեմոկրատական Հանրապետության (ԿԺԴՀ) առաջնորդ Կիմ Չեն Ընն իր տիկնոջ՝ Լի Սոլ Չժուի հետ միասին մայրաքաղաքի գործարանում արտադրված նոր տրոլեյբուսով շրջել է գիշերային Փհենյանով: Այս մասին հայտնում է «ՏԱՍՍ»-ը` վկայակոչելով Կորեայի կենտրոնական հեռագրական գործակալությունը:
Կորեայի Աշխատանքային կուսակցության ղեկավարության մի շարք ներկայացուցիչների ուղեկցությամբ պետության ղեկավարն անձամբ ստուգել է ձեռնարկության արտադրանքը եւ եզրակացության է եկել, որ այդպիսի տրանսպորտով երթեւեկելը հարմար է. կլանիչները լավ են աշխատում, արագությունը բավարար է, ընթացքը՝ հարթ, իսկ ավելորդ աղմուկ չկա: