Քուրդ կին մարտիկը հակատանկային հրթիռային համալիրով հարվածել է ջիհադականներին (տեսանյութ)

Համացանցում հայտնվել է տեսանյութ, որում երևում է, թե ինչպես է Սիրիայի հյուսիսում գտնվող քրդական ազգային զինված ջոկատների (PYD/YPG) կին մարտիկը հակատանկային հրթիռային համալիրից կրակ արձակում տարածքում կռվող թուրքամետ իսլամիստական խմբավորումներից մեկի զրահատեխնիկայի ուղղությամբ:

Հայտնի է, որ հարվածի արդյունքում սպանվել է մեկ գրոհային:

«Ահրար աշ Շամ» ջիհադական խմբավորումը օրերս մարտերի է բռնվել քուրդ զինյալների հետ սիրիական Աֆրինում:

Հիշեցնենք, որ հունվարի 20-ին թուրքական ԶՈւ-ն սկսել է Սիրիայի հյուսիսում գտնվող քրդական ազգային զինված ջոկատների (PYD/YPG) դեմ ռազմական գործողությունը, որը ստացել է «Ձիթենու ճյուղ» անվանումը: Օդային առաջին հարձակումներից հետո, հունվարի 21-ին թուրքական ԶՈւ-ի զինվորականներն անցել են լայնամասշտաբ հարձակման նաև ցամաքում: Հայտնի է, որ թուրքական ԶՈւ-ին աջակցում է «Սիրիական ազատ բանակ» ընդդիմադիր խմբավորումը՝ ինչպես 2016թ.-ին ձեռնարկված «Եփրատի վահան» գործողության ժամանակ: