Նվեր՝ մարիխուանայի համար դատապարտվածներին
Սան Ֆրանցիսկոյում մարիխուանայի տարածման եւ օգտագործման համար դատապարտվածներին իսկական նվեր է սպասվում։ Իշխանությունները հետին թվով չեղարկել են հազարավոր դատվածություններ՝ նախնական դիտարկելով վերջին 43 տարում կայացված գործերը։
Շրջանային դատախազ Ջորջ Գասկոնը հաղորդել է, որ իր ղեկավարած գերատեսչությունը հետին թվով կկիրառի թիվ 64 որոշումը, հետ կկանչի 1975-ից հետո կայացված բոլոր վճիռները։ Ընդհանուր առմամբ, նորամուծությունը վերաբերելու է 4940 քրեական հանցագործների եւ 3038 մանր իրավախախտների։ «Դատվածությունը կարող է խոչընդոտ լինել աշխատանքի տեղավորման, բնակարան փնտրելու եւ այլ արտոնությունների համար, ուստի մենք նման որոշում ենք կայացրել»,- ասել է Գասկոնը։
Իսկ Սան Ֆրանցիսկոյի քաղաքապետ Գեւին Նյուսոմը նշել է, թե իրենք առաջին քաղաքն են, որը ակներեւ ցուցադրում է թիվ 64 դրույթի առավելությունները։