Մեր երեք ըմբիշներն էլ դուրս եկան քառորդ եզրափակիչ
Ղազախստանի մայրաքաղաք Աստանայում շարունակվող հունահռոմեական ոճի ըմբշամարտի աշխարհի առաջնությունում մրցումային հերթական օրը հաջող է դասավորվում Հայաստանի ներկայացուցիչների համար:
Պայքարի մեջ մտած մեր երեք ըմբիշներն էլ անընդմեջ երկուական հաղթանակ են տարել և վստահորեն դուրս եկել քառորդ եզրափակիչ:
63 կգ քաշային Կարեն Ասլանյանը մեկնարկում 10-0 հաշվով ժամանակից շուտ առավելության հասավ Կոռնելիու Ռուսուի նկատմամբ: 1/8 եզրափակչում հայ ըմբիշը կրկին ժամանակից շուտ հաղթեց Աֆթանդիլ Ուուլուին ու քիչ անց կգոտեմարտի կիսաեզրափակիչ դուրս գալու համար:
67 կգ քաշային Սլավիկ Գալստյանը պայքարը սկսեց Ֆրանսիան ներկայացնող Գագիկ Սնջոյանի նկատմամբ 5-1 հաշվով տոնած հաղթանակով: 1/8 եզրափակչում նա ժամանակից շուտ պայքարից դուրս թողեց Վալենտին Պետիչին և նույնպես նվաճեց քառորդ եզրափակչի ուղեգիր:
87 կգ քաշային Գևորգ Թադևոսյանն իր հերթին մեկնարկային ծայրահեղ բարդ գոտեմարտում 6-3 հաշվով առավելության հասավ Ռուսաստանի ներկայացուցիչ Միլադ Ալիրզաևի նկատմամբ: Արդեն 1/8 եզրափակչում Թադևոսյանը 4-1 հաշվով պարտության մատնեց Ղազախստանի ներկայացուցչին՝ ապահովելով իր տեղը քառորդ եզրափակչում:
Աստանայում ընթացող հունահռոմեական ոճի ըմբշամարտի մեծահասակների աշխարհի առաջնությունը կավարտվի նոյեմբերի 1-ին: Նախօրեին պայքարի մեջ մտած Հայաստանի հավաքականի մյուս ներկայացուցիչներն առայժմ մեդալներ չեն նվաճել:
armsport.am
«Դեպի լույս» և «Կանչ» երգչախմբերը՝ խմբավար Վարդուհի Խաչատրյանի ղեկավարությամբ, շարունակում են իրենց ...
Իտալիայում թալանել են հայտնի բրենդային խանութները
Հայաստանի անձնագրով աշխարհի 33 երկրներ կարելի է այցելել առանց վիզայի. Passport Reports
COP17․ «Կանաչ գոտում» գործող ԿԳՄՍՆ տաղավարում այսօր մշակույթի օր է
Քաղաքացու տան բակում հայտնաբերվել և առգրավվել է կարմիրգրքյան բեզոարյան այծի 2 առանձնյակ
Սա մակաբուծական հարաբերություն է. Աբբաս Արաղչի
Տավուշի օրինակն ու դրա կիրառելիությունը COP17-ի օրակարգում
Վարդան Ղուկասյանին նոր մեղադրանք է առաջարդվել
Հայ ըմբիշները միջազգային մրցաշարից վերադարձել են 9 մեդալով
Ամուսնու կողմից կնոջն ընտանեկան բռնության ենթարկելու վերաբերյալ քրեական վարույթի նախաքննությունն ավա...