Ափսոսում եմ, որ պարոն Սիմոնյանը մանդատը չի վերցնում. Անդրանիկ Քոչարյան
Ափսոսում եմ: Այս խոսքերով լրագրողների հետ զրույցում արձագանքեց ԱԺ պաշտպանության և անվտանգության հարցերի մշտական հանձնաժողովի նախագահ Անդրանիկ Քոչարյանը Աժ նախագահ Ալեն Սիմոնյանի որոշմանը՝ չվերցնել մանդատը և չշարունակել աշխատանքը խորհրդարանում՝ որպես պատգամավոր:
«Անկախ այն վայրիվերումները, որ տեղի ունեցան Ազգային ժողովում տարբեր ժամանակներում, նաև շահարկվեցին մեր ինչ-որ հարաբերությունները, սակայն մենք միասին ճանապարհ ենք անցել: Ափսոսում եմ, որ պարոն Սիմոնյանը մանդատը չի վերցնում, որովհետև մի բան ակնհայտ է, որ արտահերթ ընտրություններից հետո, երբ նա դարձավ Ազգային ժողովի նախագահ, իր պարտականությունների մեջ չի թերացել՝ որպես քաղաքական օրակարգի սպասարկող, նաև հաշվի առնելով մեր ընդդիմության պահվածքը ԱԺ աշխատանքներում: Մեկ գալիս են, մեկ չեն գալիս: Այսօր էլ մեր քույրերն ու եղբայրները չկային, միայն Գեղամ Մանուկյանը եկավ հանձնաժողովի նիստին մասնակցեց»,- հայտարարեց պատգամավորը:
Լրագրողների հարցին՝ արդյոք ինքը վերցնելու է պատգամավորի մանդատը, տվեց դրական պատասխան:
«Ինչո՞ւ եմ դրել իմ թեկնածությունը, եթե մանդատը պետք է չվերցնեմ: Եթե այլ առաջարկներ լինեն, այդ ժամանակ նոր կարելի է մտածել, թե ինչ ճանապարհով պետք է գնալ»,- ասաց Քոչարյանը՝ հիշեցնելով իր անցած քաղաքական ուղին:
Անդրադարձ է եղել պետական աջակցությամբ դպրոցներում համալրվող լաբորատորիաների գործարկմանը
Այդ հայտարարությունները օգտակար չեն խաղաղության համատեքստում
Հաջորդ տարի SpaceX-ը տիեզերք կուղարկի Nvidia GB200 NVL72 արհեստական բանականությամբ համակարգիչներ
KIDS Act օրենսդրական նախաձեռնությունը սահմանում է նվազագույն տարիքային շեմ
Մենք ընդունում ենք նրա ներողությունը
Երևանի քրեական ու համայնքային ոստիկանները րոպեների ընթացքում հայտնաբերել են մարմնական վնասվածք պատճա...
Tour of Armenia․ առաջին օրվա երթուղին առաջինը հատել է լեհ Միխալ Պոմորսկին
Էդգարիկը ոչ մի բարոյական իրավունք չունի․․․ (տեսանյութ)
Երգչուհի Սելին Դիոնը Փարիզում կայացած համերգի ժամանակ հուզվել է
Սաուդյան Արաբիայի թագաժառանգը ԱՄՆ նախագահին խնդրել է հարվածել հութիներին. Axios