ՀՀ-ից գյուղմթերքը ԵՄ կարտահանվի առանց մաքսատուրքի, առաջիկայում սա կդառնա իրողություն. Փաշինյան
1,5 ամիս առաջ Ֆանտան գյուղում հերթական ջերմոցի բացման արարողության ժամանակ քննարկում էինք, թե ինչ քայլեր կարող ենք ձեռնարկել, որպեսզի Նիդերլանդների վարդի շուկային հասանելիություն ունենանք: Բայց, ինչպես ասում են՝ շաբաթը ուրբաթից շուտ եկավ, և մենք հասանելիություն ունենք ոչ միայն Նիդերլանդների վարդի շուկային, այլև մենք ունենք հստակ քաղաքական հանձնառություն, որ ՀՀ-ից գյուղմթերքը ԵՄ կարտահանվի առանց մաքսատուրքի, և առաջիկայում սա կդառնա իրողություն: Այդ մասին Ազգային ժողովում 2025 թվականի բյուջեի տարեկան հաշվետվության քննարկման ժամանակ ասաց վարչապետ Նիկոլ Փաշինյանը:
«Սա նշանակում է, որ մեր գյուղատնտեսության եկամտաբերությունը կաճի, իհարկե, որակի, որոշակի փաթեթավորման և այլ նորություններ ու նորամուծություններ կլինեն, բայց դա նաև կանխատեսված է մեզ համար, որովհետև պլանավորել էինք նաև գյուղատնտեսական լոգիստիկ կենտրոնների ստեղծում, որտեղ ապրանքների տեսակավորման մասին կարող է խոսք լինել:
Առաջիկայում մեզ ակտիվ աշխատանք է սպասում նաև ԵԱՏՄ-ում, և մենք այդ աշխատանքը կկատարենք, բայց միևնույն ժամանակ մենք այս ընթացքում տեղի ունեցող գործընթացները կուսումնասիրենք:
ԵՄ-ի հետ արդեն ունենք պայմանավորվածություն, որ արագ արձագանք կլինի 50 մլն եվրոյի աջակցության ձևով, և մենք այդ գումարները կօգտագործենք այն դեպքերի համար, երբ կտեսնենք, որ չարդարացված ձևով, այսինքն՝ արտահանման խոչընդոտներ են ստեղծվել:
Բայց, իհարկե, մեր քաղաքականությունը շարունակվելու է անկախ ամեն ինչից: Մեր քաղաքականությունը շարունակվելու է մնալ արտահանման շուկաների դիվերսիֆիկացումը: Մենք շատ երկար համոզում ենք, խնդրում ենք, փորձում ենք աջակցել մեր տնտեսվարողներին, որպեսզի իրենք դիվերսիֆիկացնեն արտահանման շուկաները, և այս ուղղությամբ որոշակի շարժեր կան, որովհետև ԵՄ ուղղությամբ մեր արտահանման ծավալը կրկնապատկվել է, Չինաստանի ուղղությամբ մեր արտահանումները կրկնապատկվել են, Հնդկաստանի ուղղությամբ մոտ 87 տոկոսով աճել է, և սրանք շատ մեծ հնարավորություններ են Հայաստանի համար, այդ թվում՝ գյուղատնտեսության համար, որովհետև մեծ հնարավորություն է գնային նոր սեգմենտ մտնելու և գյուղատնտեսությունն ավելի եկամտաբեր ճյուղ դարձնելու համար»,- ասաց նա:
Ամփոփվել է 110 տեղամասի արդյունքները
Պարեկային ծառայությունը համալրվել է իտալական նոր մոտոցիկլետներով
Տաշիրի Կաթնառատում «Քաղաքացիական պայմանագիրը» ստացել է 259, «Ուժեղ Հայաստանը» 160 ձայն
«Հայաստան» դաշինքի նախընտրական շտաբը հայտարարություն է տարածել
«Մի նոր փոդքաստ պարտադիր դիտման համար» հյուր՝ Արամազդ Ղալամքարյան թողարկում 7
Հայտնի են էլեկտրոնային քվեարկության արդյունքները. ՔՊ-ն ստացել է ձայների ճնշող մեծամասնությունը
Նոր ԱԺ-ում կլինի 105 պատգամավոր. ՔՊ-ն կունենա 61 մանդատ, «Ուժեղ Հայաստանը»՝ 28, «Հայաստան»–ը՝ 11, ԲՀ...
Բացահայտվել և չեզոքացվել է շուրջ 45 ընտրողի ընդհանուր 7,5 մլն ՀՀ դրամի չափով ընտրակաշառք տալու հանցա...
Ընտրատեղամասերը փակվեցին. մեկնարկում է ձայների հաշվարկը
Արմավիրի մարզում գործում է 169 ընտրական տեղամաս