Առավոտյան ԱԱԾ աշխատակիցները մտել են «Մայր Հայաստան» կուսակցության գրասենյակ

Լուրը եւ տեսանյութը ֆեյսբուքյան էջում տեղադրել է կուսակցության վարչության անդամ Արեգնազ Մանուկյանը` տեղեկացնելով, որ դեպքը տեղի է ունեցել առավոտյան ուղիղ ժամը 7։00- ին։

Նախօրեին ՀՀ քննչական կոմիտեն հայտնել էր, որ ԱԱԾ-ից ստացված հաղորդման հիման վրա քերական վարույթ է հարուցել քաղաքացի Ա.Թ.-ի [«Մայր Հայաստան» կուսակցության նախագահ Անդրանիկ Թեւանյան] նկատմամբ։ Ըստ հաղորդագրության` նա  հանդիսանալով 2021 թվականին կայացած խորհրդարանական ընտրություններում «Հայաստան» կուսակցությունների դաշինքին աջակցած քաղաքական գործիչ և նույն դաշինքի համապետական ընտրական ցուցակում ընդգրկված ԱԺ պատգամավոր, 2024 թվականի ընթացքում հավաքագրվելով օտարերկրյա հատուկ ծառայությունների կողմից, «Ռուսսիա Կովկաս» աշխարհաքաղաքական կենտրոնում տնօրեն հանդիսացող՝ օտարերկրյա հատուկ ծառայությունների ներկայացուցչի հանձնարարությամբ նույն ժամանակահատվածում կատարել է լրտեսություն, ինչպես նաև ապօրինի կերպով հավաքել և առանձնապես խոշոր չափերի՝ 622 հզր ԱՄՆ դոլար գումարի դիմաց վերջինիս է փոխանցել պետական գաղտնիք պարունակող՝ 2024 թվականի ապրիլին ԱԺ փակ, գաղտնի նիստում կայացած լսումների ընթացքի և արդյունքների վերաբերյալ ռուսերեն թարգմանված տեղեկություններ»։