Աստանայում մեկնարկել են Տոկաևի և Էրդողանի բանակցությունները

Ղազախստանի մայրաքաղաք Աստանայում տեղի է ունեցել Թուրքիայի նախագահ Ռեջեփ Թայիփ Էրդողանի դիմավորման պաշտոնական արարողությունը։ Ղազախստանի նախագահ Կասիմ-Ժոմարտ Տոկաևը թուրք գործընկերոջը հյուրընկալել է Անկախության պալատում, որտեղ պատվո պահակախմբի մասնակցությամբ և երկու երկրների պետական օրհներգերի հնչյունների ներքո տեղի ունեցած հանդիսավոր միջոցառումից հետո առաջնորդները սկսել են բանակցությունները նեղ կազմով։

Հանդիպման օրակարգի առանցքում են երկկողմ հարաբերությունների ամրապնդմանն ու ռազմավարական գործընկերության խորացմանն առնչվող հարցերը։ Սպասվում է, որ կողմերը կքննարկեն ինչպես տնտեսական համագործակցության ընդլայնումը, այնպես էլ տարածաշրջանային անվտանգությանն ու քաղաքական փոխգործակցությանը վերաբերող մի շարք հրատապ խնդիրներ։