Հայաստանի և Թուրքիայի միջև երկխոսությունը հասունացել է այնքան, որ դրական արդյունքներ լինեն. Միրզոյան
Մենք միշտ մտածել ենք, որ շատ դժվարին, վտանգավոր տարածաշրջանում ենք ապրում, որտեղ մեր անկախությունը և գոյությունը միշտ հարցականի տակ են: Սա ճշմարիտ է մասնակիորեն կամ ամբողջովին: Բայց մարտահրավերը միշտ եղել է այն, թե ինչպես է հնարավոր այս սպառնալիքն առավելության փոխակերպել: Եվ սա հենց այն է, ինչ մենք ցանկանում ենք անել Հայաստանում: Այդ մասին «Երևանյան երկխոսություն» համաժողովի շրջանակում ասաց ԱԳ նախարար Արարատ Միրզոյանը:
«Ամբողջ աշխարհը մատակարարման շղթայի նոր աղբյուրներ է փնտրում, տրանսպորտային նոր միջանցքներ: Խոչընդոտ լինել նշանակում է շարունակաբար սպառնալիք մնալ»,- ասաց նա:
Ըստ արտգործնախարարի՝ այժմ փորձ է արվում հասկանալ՝ Հայաստանը կարո՞ղ է Եվրոպան կապել Կենտրոնական Ասիայի, Հնդկաստանի, Չինաստանի, Հեռավոր Արևելքի հետ, և սա կարող է լինել ոչ միայն Հայաստանի ինքնիշխանությունը փրկելու լուծումը, այլև հավելյալ երաշխիք՝ հետագայում առավել խաղաղ ու բարգավաճ կեցության համար:
«Մենք նաև պետք է նկատենք, որ խաղաղությունը, այո՛, կարող է ակնհայտ լուծում լինել, սակայն, մյուս կողմից, չես կարող խաղաղությունը մենակով կառուցել, չես կարող հռչակել խաղաղություն, երբ հարևաններդ կարծում են, որ դու թշնամի ես, և ուզում են ոչնչացնել քեզ:
Ուստի մարտահրավերն այն է, որ կարողանանք ստեղծել մի իրավիճակ, որտեղ բոլոր հարևանները, տարածաշրջանի բոլոր դերակատարները հետաքրքրված լինեն այդ իսկ խաղաղությամբ, ուզում են ապահովել հենց այդ խաղաղությունը և ուզում են Modus vivendi ստեղծել, տոլերանտություն, հանդուրժողականություն, համագործակցություն, որը մենք հենց հիմա փորձում ենք անել»,- ասաց նա:
Մենք միանգամայն արժանիորեն դուրս եկանք հաջորդ փուլ
Մահացել է աշխարհի չեմպիոն և «Միլանի» լեգենդ Ֆրանկո Բարեզին
Ուրումչիի մշակութային ուղին. Գրանդ բազար
«Երևանի «Արարատ» կոնյակի-գինու-օղու կոմբինատ»-ը հանձնվել է ՀՀ կառավարմանն ու պահպանմանը. Գլխավոր դատ...
Սթիվ Ուիթքոֆն ու Ջարեդ Քուշները առաջիկա օրերին կայցելեն Ուկրաինա
«Claude» արհեստական բանականությունը թեստավորման ժամանակ կոտրել է 3 ընկերության համակարգեր
Կարլոս Էսպին պայմանագիր է կնքել «Ռեալ Մադրիդի» հետ
Աբու Դաբին կունենա համաշխարհային արվեստի նոր կենտրոն
Սինգապուրի վարչապետը շնվորհավորել է Փաշինյանին
Հայաստանի համար Էբոլա հիվանդության ներմուծման և հետագա տարածման ռիսկը գնահատվում է ցածր