Արաղչին Պեկին է այցելել Թրամփից մեկ շաբաթ առաջ
Իրանի արտգործնախարար Աբբաս Արաղչին մայիսի 6-ին Պեկինում հանդիպել է իր չինացի գործընկեր Վան Ի-ի հետ: Սա Արաղչիի առաջին պաշտոնական այցն է Չինաստան 2026 թվականի փետրվարի 28-ին Իրանի դեմ սկսված պատերազմից ի վեր: Հանդիպումը տեղի է ունեցել ԱՄՆ նախագահ Դոնալդ Թրամփի՝ Պեկին սպասվող այցից ընդամենը մեկ շաբաթ առաջ: Կողմերը քննարկել են Հորմուզի նեղուցում տիրող լարվածությունը և տարածաշրջանային անվտանգության հարցերը:
Արաղչին վերահաստատել է, որ ճգնաժամը ռազմական լուծում չունի, իսկ Պեկինը կոչ է արել անհապաղ դադարեցնել ռազմական գործողությունները:
Չինաստանը շարունակում է մնալ իրանական նավթի հիմնական գնորդը՝ չնայած ԱՄՆ-ի կողմից սահմանված խիստ պատժամիջոցներին և շրջափակմանը:
Այս շաբաթվա սկզբին ԱՄՆ ֆինանսների նախարար Սքոթ Բեսենթը կոչ էր արել Չինաստանին ակտիվացնել իր դիվանագիտական ջանքերը և համոզել Իրանին միջազգային նավագնացության համար բացել Հորմուզի նեղուցը։
Բեսենթը նշել է, որ ԱՄՆ-ի և Չինաստանի նախագահները մայիսի 14-15-ը Պեկինում կայանալիք բանակցությունների ժամանակ անձամբ մտքեր կփոխանակեն Իրանի վերաբերյալ։
Բեսենթն ընդգծել էր, որ նեղուցի փակ լինելը հանգեցնում է նավթի գների անկայունության և գլոբալ մատակարարման շղթաների խաթարման։ ԱՄՆ-ն ակնկալում է, որ Պեկինը կօգտագործի իր տնտեսական կապերը Թեհրանի վրա քաղաքական ազդեցություն գործելու համար։
Աշխարհի ամենահայտնի Խորհրդարանական ծեծկռտուքները (ֆոտոշարք)
Եթե օրենքի ընդունումը թույլ տա փրկել ընտանեկան բռնության թեկուզ մեկ զոհի կյանք, ուրեմն միանշանակ պետ...
Նիդերլանդները հրաժարվել է մասնակցել «Եվրատեսիլ 2027»-ին
Բրազիլիայի նախագահի թեկնածուն լքել է երկիրը ընտրություններում պարտվելուց հետո
Էլեկտրաէներգիայի ընդհատումներ կլինեն Երևանում և մարզերում
Ռուսական դիզելային վառելիք տեղափոխող երեք լցանավի կարգելվի մուտք գործել Նյու Ջերսիի նավահանգիստ
Նիդերլանդների Թագավորության արտաքին գործերի նախարարն այցելել է Moon Rose ջերմոցային տնտեսություն
Նոր նշանակում՝ Երևանի Նիկոլ Աղբալյանի անվան թիվ 19 դպրոցում
Սահմանադրական դատարանի նախագահի ընտրության հարցով նիստը տեղի կունենա նոյեմբերի 6-ին
ՀԱՊԿ- ից Հայաստանին պետք է հեռացնել. Բորդյուժան՝ «ՌԻԱ Նովոստիին»