Ուկրաինական անօդաչու թռչող սարքերը կրկին հարվածել են Տուապսեի նավահանգստին
Ուկրաինայի զինված ուժերը անօդաչու թռչող սարքերով նոր հարված են հասցրել Ռուսաստանի Կրասնոդարի երկրամասի Տուապսե քաղաքին: Հարձակման թիրախում են եղել տեղի նավթավերամշակման գործարանը և նավահանգիստը: Կրասնոդարի երկրամասի նահանգապետ Վենիամին Կոնդրատևի փոխանցմամբ՝ Տուապսեի նավահանգստում հարձակման հետևանքով զոհվել է մեկ մարդ, ևս մեկը ստացել է վնասվածքներ:
Հարվածից հետո հրդեհ է բռնկվել նավթավերամշակման գործարանի տարածքում, մասնավորապես՝ ռեզերվուարային պարկում: Ականատեսները հայտնում են մի քանի խոշոր հրդեհի օջախների մասին: Բեկորներից վնասվել են մի շարք շենքերի ապակիներ:
Տուապսեն նավթի արտահանման համար Սև ծովում Ռուսաստանի ամենակարևոր նավահանգիստներից մեկն է: Այնտեղ է գտնվում նաև Ռուսաստանի խոշորագույն նավթային ընկերության՝ «Ռոսնեֆտին» պատկանող նավթավերամշակման գործարանը:
Ուկրաինայի նախագահ Վլադիմիր Զելենսկու հայտարարությունները և «Kyiv Independent»-ի տվյալները փաստում են, որ Ռուսաստանի նավթային ոլորտը լուրջ կորուստներ է կրել։
Ըստ Զելենսկու՝ նավթային ենթակառուցվածքներին հասցված հարվածների պատճառով Ռուսաստանը զրկվել է առնվազն 2,3 միլիարդ դոլարի եկամտից։
«Kyiv Independent»-ի տվյալներով՝ ապրիլ ամսվա դրությամբ Ռուսաստանի նավթի արտահանման հզորությունների շուրջ 40%-ը շարքից դուրս է եկել:
Հաջորդ տարի SpaceX-ը տիեզերք կուղարկի Nvidia GB200 NVL72 արհեստական բանականությամբ համակարգիչներ
Այդ հայտարարությունները օգտակար չեն խաղաղության համատեքստում
KIDS Act օրենսդրական նախաձեռնությունը սահմանում է նվազագույն տարիքային շեմ
Երգչուհի Սելին Դիոնը Փարիզում կայացած համերգի ժամանակ հուզվել է
Օգտագործեք միայն համայնքի տրամադրած կամ շշալցված ջուր. Ավանեսյանը՝ Ծավի բնակիչներին
Էկոպարեկային ծառայողները կանխել են Բերդ քաղաքի բնակչի կողմից ապօրինի ծառահատման հետագա իրականացումը
Էդգարիկը ոչ մի բարոյական իրավունք չունի․․․ (տեսանյութ)
Պեսկովը հայտարարել է նավթի շուկայում իրավիճակի կտրուկ վատթարացման մասին
Էթնա հրաբխի ժայթքման պատճառով Կատանիա քաղաքի օդանավակայանը չվերթներ չի իրականացնում
Բյուրականի աստղադիտարանում աշխատանքը կսկսի «Մեր անկայուն տիեզերքը» միջազգային սիմպոզիումը