Հրադադարի ուժի մեջ մտնելուց առաջ Իսրայելը հարվածել է Լիբանանին, «Հեզբոլլահ»-ը` Իսրայելին

Իսրայելի բանակը Լիբանանի հետ հայտարարված հրադադարից առաջ 24 ժամվա ընթացքում հարվածել է Լիբանանում 380 նպատակակետի։ Ըստ ՑԱՀԱԼ-ի դրանք «Հեզբոլլահի» հետակետերն են եղել. հարվածներ են հասցվել շարժման ներկայացուցիչներին, շտաբ-կայաններին եւ հրթիռային արձակման կայանքներին։

Լիբանանյան Al-Mayadeen հեռուստաալիքն էլ հայտնում է, որ հրադադարի ուժի մեջ մտնելուց 10 րոպե առաջ իսրայելական ինքնաթիռները հարվածներ են հասցրել Լիբանանի հարավում գտնվող 11 բնակավայրերի, հաղորդել է լիբանանյան Al-Mayadeen հեռուստաալիքը։

Իր հերթին «Հեզբոլլահը» հրադադարի սկսվելուց հինգ րոպե առաջ մի քանի հրթիռ է արձակել Իսրայելի ուղղությամբ։

Ապրիլի 16-ին ԱՄՆ նախագահ Դոնալդ Թրամփի միջնորդությամբ կայացել են Իսրայելի եւ Լիբանանի ղեկավարների առաջին բանակցությունները վերջին 34 տարվա ընթացքում։ Հանդիպման արդյունքներով ԱՄՆ նախագահը հայտարարել է տասօրյա զինադադարի մասին, որը ուժի մեջ է մտել Երեւանի ժամանակով 1:00-ին։