Պատմական հանդիպում ԱՄՆ-ի և ՀԱՄԱՍ-ի միջև
CNN-ը գրում է, որ Կահիրեում տեղի է ունեցել պատմական և բեկումնային հանդիպում. ԱՄՆ-ի բարձրաստիճան ներկայացուցիչները և ՀԱՄԱՍ շարժման պատվիրակությունը վարել են առաջին ուղիղ բանակցությունները Գազայի հատվածում հաստատված հրադադարից ի վեր: Ըստ «Համաս»-ի աղբյուրների՝ երեքշաբթի գիշերը կայացած հանդիպմանը մասնակցել են ԱՄՆ ավագ խորհրդական Արյե Լայթսթոունը և ՀԱՄԱՍ-ի գլխավոր բանակցող Խալիլ ալ-Հայյան: Հանդիպմանը ներկա է եղել նաև Գազայի հարցերով հատուկ ներկայացուցիչ Նիկոլայ Մլադենովը:
Բանակցությունների առանցքում եղել է հոկտեմբերին ձեռք բերված փխրուն համաձայնագրի իրագործումը: Խալիլ ալ-Հայյան ամերիկյան կողմին ներկայացրել է Իսրայելի ստանձնած պարտավորությունների լիարժեք կատարման անհրաժեշտությունը, ներառյալ հարվածների դադարեցումը և հումանիտար օգնության ծավալների ավելացումը: Մինչդեռ ամերիկյան կողմը, որն ավելի վաղ քննարկումներ էր ունեցել Իսրայելի վարչապետ Բենիամին Նեթանյահուի հետ, առաջ է քաշում ՀԱՄԱՍ-ի զինաթափման պահանջը՝ որպես հաջորդ փուլին անցնելու նախապայման:
Չնայած հրադադարին, իրավիճակը գետնի վրա մնում է ծայրահեղ լարված: Պաղեստինի առողջապահության նախարարության տվյալներով՝ հոկտեմբերից ի վեր իսրայելական հարվածների հետևանքով Գազայում զոհվել է ավելի քան 765 մարդ: ՀԱՄԱՍ-ը դժգոհություն է հայտնում առաջարկվող օրակարգից՝ այն համարելով անհավասարակշռված:
Շարժման աղբյուրների պնդմամբ՝ միջազգային միջնորդները փորձում են առաջնահերթությունը տալ Իսրայելի անվտանգությանը և զինաթափմանը, մինչդեռ պաղեստինցիների հումանիտար և քաղաքական իրավունքները մղվում են երկրորդ պլան:
Աշխարհի ամենահայտնի Խորհրդարանական ծեծկռտուքները (ֆոտոշարք)
Եթե օրենքի ընդունումը թույլ տա փրկել ընտանեկան բռնության թեկուզ մեկ զոհի կյանք, ուրեմն միանշանակ պետ...
Նիդերլանդները հրաժարվել է մասնակցել «Եվրատեսիլ 2027»-ին
Բրազիլիայի նախագահի թեկնածուն լքել է երկիրը ընտրություններում պարտվելուց հետո
Էլեկտրաէներգիայի ընդհատումներ կլինեն Երևանում և մարզերում
Ռուսական դիզելային վառելիք տեղափոխող երեք լցանավի կարգելվի մուտք գործել Նյու Ջերսիի նավահանգիստ
Նիդերլանդների Թագավորության արտաքին գործերի նախարարն այցելել է Moon Rose ջերմոցային տնտեսություն
Նոր նշանակում՝ Երևանի Նիկոլ Աղբալյանի անվան թիվ 19 դպրոցում
Սահմանադրական դատարանի նախագահի ընտրության հարցով նիստը տեղի կունենա նոյեմբերի 6-ին
ՀԱՊԿ- ից Հայաստանին պետք է հեռացնել. Բորդյուժան՝ «ՌԻԱ Նովոստիին»