Իրանում խոցված կործանիչի անձնակազմի երկու անդամները փրկվել են. Թրամփ
ԱՄՆ զինվորականները փրկել են Իրանում խոցված F-15E Strike Eagle կործանիչի անձնակազմի երկրորդ անդամին։ Նախագահ Դոնալդ Թրամփը այս մասին հայտարարել է կիրակի՝ ապրիլի 5-ին, իր Truth Social սոցիալական ցանցի էջում։ Ըստ Թրամփի՝ զինվորականը գտնվել է «Իրանի խոր լեռնային տարածքում» և «վիրավորվել է խոցված ինքնաթիռից հեռանալու ժամանակ, բայց նա լավ կլինի»։ Ըստ Fox News-ի աղբյուրների` փրկված ամերիկացի օդաչուն և փրկարարական խումբն արդեն լքել են Իրանը։
Իրանական ՀՕՊ համակարգերը ապրիլի 3-ին խոցել էին F-15E Strike Eagle կործանիչը։ Անձնակազմի երկու անդամներն էլ կարողացել են դուրս գալ վնասված ինքնաթիռից։ Առաջին օդաչուն փրկվել է մի քանի ժամ անց, սակայն երկրորդը ստիպված է եղել իրանական ուժերից մեկ օրից ավելի թաքնվել լեռան կիրճում՝ զինված միայն ատրճանակով, ըստ The New York Times-ի։
Պարբերականի համաձայն՝ կործանիչի երկրորդ սպայի փրկարարական գործողությանը մասնակցել են հատուկջոկատայինների հարյուրավոր մարտիկներ, ինչպես նաև տասնյակ ամերիկյան մարտական ինքնաթիռներ և ուղղաթիռներ:
Զինվորականի որոնումը սկսել է նաև Իսլամական հեղափոխության պահապանների կորպուսը (ԻՀՊԿ), որի ջոկատներին ամերիկացի զինվորականները մի շարք հարվածներ են հասցրել՝ թույլ չտալով մոտենալ այն վայրին, որտեղ թաքնվում էր խոցված կործանիչի անձնակազմի վիրավոր անդամը:
Հայաստանում ԱՄՆ դեսպանատունը զգուշացնում է
Ֆինն Գերագուսյանը նշեց իր նորամուտը Հայաստանի հավաքականի կազմում
ԵՄ-ն սցենարներ է դիտարկում Օրբանի հավանական հաղթանակի դեպքում
Իսպանիայում բացվել է «Հոգևոր քարտեզի արահետներով․ հայկական ձեռագրական արվեստը» ցուցահանդեսը
Տիբո Կուրտուայի վնասվածքն ավելի լուրջ է, քան կանխատեսվում էր
Բացահայտվել են ընտրակաշառքի տրամադրման, ստացման և ընտրական շրջանում բարեգործության արգելքի խախտման դ...
ԱՄՆ-ն հարվածել է խոշոր զինամթերքի պահեստի
Այսօրվանից վերսկսվում են Կապան-Երևան-Կապան թռիչքները․ Խուդաթյան
Երևանում Թիկնիզյանի խաղին հետևել է Սպարտակի ներկայացուցիչը
«Վարչաբենդի» համերգը տեղի կունենա ապրիլի 4-ին՝ ժամը 20.00-ին