Իրանի դեմ ռազմական գործողությունների ժամանակ զոհվել է 13 ամերիկացի զինծառայող. ABC News

Երեքշաբթի օրվա դրությամբ՝ Իրանի դեմ ռազմական գործողություններ սկսվելուց ի վեր վիրավորվել է 348 ամերիկացի զինծառայող, հաղորդում է ABC News-ը՝ հղում անելով Պենտագոնի տվյալներին։

Հաղորդագրությունում նշվում է, որ նրանցից 315-ն արդեն վերադարձել են ծառայության։ Առնվազն 10-ը գտնվում են ծանր վիճակում։ Վիճակագրության համաձայն՝ ամեն օր վիրավորվում է 11 ամերիկացի զինվոր։ Պաշտոնապես՝ մարտերում զոհվել է 13 ամերիկացի զինծվորական։

Միաժամանակ ԱՄՆ պետքարտուղար Մարկո Ռուբիոն նշել է, որ Միացյալ Նահանգները մեծ մասամբ ոչնչացրել է Իրանի ռազմածովային և ռազմաօդային ուժերը և ճիշտ ուղու վրա է ոչնչացնելու նրա հրթիռային կայանքների «նշանակալի» տոկոսն ու երկրում գտնվող հրթիռների և անօդաչու թռչող սարքերի գործարանները։

«Մենք հաջողությամբ առաջ ենք շարժվում, մոտենում ենք Իրանում ռազմական գործողության ավարտին։ Դա տեղի չի ունենա այսօր կամ վաղը, բայց տեղի կունենա»,- ասել է ԱՄՆ պետքարտուղարը Fox News-ի հետ հարցազրույցում։