Առաջիկա օրերին Իսլամաբադում տեղի կունենան ԱՄՆ-Իրան բանակցություններ․ Պակիաստանի ԱԳՆ

ԱՄՆ-ի և Իրանի միջև բանակցությունները կարող են տեղի ունենալ Պակիստանում՝ առաջիկա օրերին։ CNN-ի փոխանցմամբ՝ այս մասին հայտարարել է Պակիստանի արտգործնախարար Իսհակ Դարը՝ Եգիպտոսի, Սաուդյան Արաբիայի և Թուրքիայի արտգործնախարարների հետ խորհրդակցություններից հետո։

Դարի խոսքով՝ և՛ Իրանը, և՛ Միացյալ Նահանգները աջակցում են Իսլամաբադում բանակցություններ անցկացնելու նախաձեռնությանը։ Սպիտակ տունը դեռևս մեկնաբանություն չի տվել, սակայն CNN-ը հաղորդում է, որ մի քանի օր առաջ Դոնալդ Թրամփի վարչակազմի աղբյուրները հայտնել են, որ ԱՄՆ-ն փորձում է Պակիստանում կազմակերպել հանդիպում՝ կապված Իրանի հետ պատերազմի ավարտին։

Պակիստանի արտգործնախարարը նաև հայտնել է, որ հեռախոսազրույցներ է ունեցել Չինաստանի արտգործնախարար Վան Իի և ՄԱԿ-ի գլխավոր քարտուղար Անտոնիո Գուտերեշի հետ, և նրանք նույնպես աջակցել են բանակցությունների անցկացմանը։

Այս թեմայով «Կցանկանա՞ք կրկին փորձել ձեր բախտը»․ Իրանի ԱԳ նախարարը պատասխանել է Թրամփի սպառնալիքին ԱՄՆ-ն և Իրանը համաձայնության են եկել հրադադարի շուրջ Իրանի ԱԳՆ-ն պատժամիջոցների խստացման ԱՄՆ քաղաքականությունն անվանել է վտանգավոր «կախվածություն» ԱՄՆ-ի օդային հարվածների հետևանքով զոհվել է Իսլամական հեղափոխության պահապանների կորպուսի ութ զինծառայող Դոհայում ավարտվել են ԱՄՆ-ի և Իրանի միջնորդավորված բանակցությունները