Իրանը հայտարարում է, որ «ոչ թշնամական» նավերը կարող են անվտանգ անցնել Հորմուզի նեղուցով
Իրանը հայտարարել է, որ «ոչ թշնամական» նավերը կարող են անցնել Հորմուզի նեղուցով՝ ջրային այդ ուղով ծովային երթևեկության փլուզման ֆոնին, որն առաջացրել է վերջին տասնամյակների ընթացքում ամենախոշոր գլոբալ էներգետիկ ճգնաժամը, գրում է Al Jazeera-ն: ՄԱԿ-ում Իրանի ներկայացուցչությունը հայտարարել է, որ նավերը կարող են օգտվել ջրային ճանապարհով «անվտանգ անցումից», «պայմանով, որ նրանք չեն մասնակցում և չեն աջակցում Իրանի դեմ ագրեսիայի գործողություններին, ինչպես նաև լիովին պահպանում են անվտանգության հայտարարված կանոնները»:
Նավերին թույլատրվելու է նեղուցով անցնել «Իրանի իրավասու մարմինների հետ համակարգված», ասվում է սոցիալական ցանցերում տեղադրված հայտարարության մեջ։
Իրանն ավելի վաղ նեղուցի կարգավիճակի վերաբերյալ նմանատիպ հայտարարություն էր ներկայացրել ՄԱԿ-ի ներքո գործող Նավագնացության միջազգային կազմակերպությանը (IMO), որը պատասխանատու է միջազգային նավագնացության անվտանգության համար։ Թեհրանը հայտարարություններում չի մանրամասնել, թե ինչ կանոնակարգեր պետք է պահպանեն նավերը` նեղուցով անվտանգ նավարկելու համար, որով սովորաբար անցնում է նավթի և հեղուկ բնական գազի համաշխարհային մատակարարումների մոտ մեկ հինգերորդը։
Իրանի մեկնաբանությունները հնչել են Միացյալ Նահանգների նախագահ Դոնալդ Թրամփի հայտարարության ֆոնին, ըստ որի բանակցություններ են ընթանում Իրանի դեմ ԱՄՆ-Իսրայել պատերազմը դադարեցնելու համար: Թեհրանը, սակայն, հերքում է այդ բանակցությունների անցկացումը:
Wildberries-ի կողմից տրամադրված փոխհատուցումների ընդհանուր ծավալը կազմում է մի քանի միլիարդ ռուբլի
Մենք միանգամայն արժանիորեն դուրս եկանք հաջորդ փուլ
Ուրումչիի մշակութային ուղին. Գրանդ բազար
Մահացել է աշխարհի չեմպիոն և «Միլանի» լեգենդ Ֆրանկո Բարեզին
Գանսուի թռչող ձին. չինական նահանգի հնագույն ժառանգություն
Կարլոս Էսպին պայմանագիր է կնքել «Ռեալ Մադրիդի» հետ
«Claude» արհեստական բանականությունը թեստավորման ժամանակ կոտրել է 3 ընկերության համակարգեր
Հայաստանի համար Էբոլա հիվանդության ներմուծման և հետագա տարածման ռիսկը գնահատվում է ցածր
«Երևանի «Արարատ» կոնյակի-գինու-օղու կոմբինատ»-ը հանձնվել է ՀՀ կառավարմանն ու պահպանմանը. Գլխավոր դատ...
Երևանի Կենտրոնում պետության սեփականության իրավունքն է վերականգնվել 51,9 քմ նկուղային տարածքի և հողամ...