«Հայկական երկաթուղու» հետ կապված ՌԴ-ի մեր գործընկերների կողմից որոշակի ըմբռնում ենք տեսնում. Փաշինյան

«Հայկական երկաթուղու» կոնցեսիոն կառավարումը այլ երկրի փոխանցելու շուրջ քննարկումներ կան աշխատանքային մակարդակում ՌԴ-ի մեր գործընկերների հետ։ Մենք հարցի վերաբերյալ նաև որոշակի ըմբռնում ենք տեսնում, ինչի համար շնորհակալ ենք։ Այս մասին կառավարության նիստից հետո տված ճեպազրույցում ասել է Նիկոլ Փաշինյանը։ 

«Էլի եմ ասում, մեր ասածի մեջ որևէ բան, որն ուղղված է ՌԴ-ի դեմ՝ չկա։ Մենք ուղղակի մեր գործընկերների հետ կիսում ենք օբյեկտիվ իրավիճակն ասելով, որ Հայաստանն այս իրավիճակում կորցնում է իր մրցակցային առավելությունները և մենք ուրիշ որևէ մոտիվացիա չունենք։ Հույս ունենք, որ առաջիկայում մենք կկարողանանք հասնել լուծումների»։