ԱՄՆ-Իրան անուղղակի բանակցությունները տեղի կունենան փետրվարի 26-ին
Միացյալ Նահանգները և Իրանն անուղղակի բանակցությունների հաջորդ փուլը կանցկացնեն Ժնևում, փետրվարի 26-ին, հայտնել է Օմանի արտգործնախարարը: Կողմերն Օմանի միջնորդությամբ արդեն երկու հանդիպում են անցկացրել: Իրանի նախագահ Մասուդ Փեզեշքիանը հայտարարել է, որ Ժնևում նախորդ հանդիպման ժամանակ կողմերը գործնական առաջարկներ են փոխանակել Իրանի միջուկային ծրագրի շուրջ տարաձայնությունների կարգավորման համար, կան «հուսադրող ազդանշաններ»: «Այնուամենայնիվ, մենք շարունակում ենք ուշադիր հետևել ԱՄՆ-ի գործողություններին և նախապատրաստվում ենք ցանկացած հնարավոր սցենարի»,- հավելել է Փեզեշքիանը:
Իր հերթին, Իրանի արտգործնախարար Աբբաս Արաղչին հայտարարել է, որ երկիրը խաղաղ միջուկային էներգիա օգտագործելու, այդ թվում՝ ուրանի հարստացման իրավունք ունի: Դիվանագետի խոսքով՝ խնդրի կարգավորման միակ ճանապարհը դիվանագությունն է, և լուծումը մոտ է: Նա նշել է, որ ռազմական ուժի կուտակման անհրաժեշտություն չկա, և դրա միջոցով հնարավոր չէ ճնշում գործադրել Իրանի վրա:
Ավելի վաղ ԱՄՆ նախագահի հատուկ բանագնաց Սթիվ Ուիթքոֆը հայտարարել էր, որ նախագահ Դոնալդ Թրամփի մեջ հարց է առաջացել, թե ինչու Իրանը կապիտուլյացիայի չի ենթարկվե՝ հաշվի առնելով Մերձավոր Արևելքում ամերիկյան ուժերի կուտակումը:
Միջազգային զարգացումները՝ Սյուզաննա Չրաղյանի տեսաշարում:
Նրա արարքը ուղղակի զզվելի էր․ Ֆաբիո Կապելո
Գարեգին Երկրորդ Կաթողիկոսի եղբոր և եղբորորդու խափանման միջոցը փոխվել է
Ֆուտբոլում նրան հավասարը չկա, նա ֆենոմեն է. Վինիսիուս
Ակնթարթ, որը «հալեցրեց» համացանցը
Բոլոր ճանապարհները բաց են
Մահացել է «Կնքահայրը» և «Ապոկալիպսիս hիմա» ֆիլմերի դերասան Ռոբերտ Դյուվալը
ԱՄՆ-ն Մերձավոր Արևելք է տեղափոխել լրացուցիչ տասնութ F-35A կործանիչ
Սևանի ԲԿ-ն համալրվել է համակարգչային շերտագրման ժամանակակից սարքով
Նախկին դատախազը ինքնասպանություն է գործել՝ նետվելով կամրջից
Էլեկտրաէներգիայի անջատումներ Երևանի 7 վարչական շրջանում և 6 մարզում