Գրենլանդիան չի ընդունի ամերիկյան հոսպիտալային նավը

Գրենլանդիայի վարչապետ Յենս-Ֆրեդերիկ Նիլսենը հրաժարվել է կղզի ամերիկյան հոսպիտալային նավ ուղարկելու ԱՄՆ նախագահ Դոնալդ Թրամփի նախաձեռնությունից։

Նիլսենը նշել է, որ երկիրն ունի անվճար հանրային առողջապահական համակարգ և նման օգնության կարիք չի տեսնում։ «Մենք ասում ենք՝ ոչ, շնորհակալություն։ Ավելի լավ է մեզ հետ խոսել, քան սոցիալական ցանցերում հայտարարություններ անել»,- գրել է վարչապետը՝ ընդգծելով, որ Գրենլանդիան բաց է համագործակցության համար, սակայն նախընտրում է դա անել պաշտոնական ուղիներով։

Ավելի վաղ Թրամփը հայտարարել էր, որ «արդեն ճանապարհին է» հիվանդանոցային նավը՝ պատճառաբանելով, թե կղզում շատ մարդիկ անհրաժեշտ բուժօգնություն չեն ստանում։

Այս թեմայով Եվրոպան կարող է համաձայնվել հրաժարվել Գրենլանդիայից՝ ԱՄՆ-ին հաճոյանալու համար Գրենլանդիան անվտանգության հարցում կարող է հույսը դնել Եվրամիության վրա․ Ուրսուլա ֆոն դեր Լայեն Թրամփը սպառնացել է Գրենլանդիայի վարչապետ Յենս-Ֆրեդերիկ Նիլսենին ԱՄՆ Ներկայացուցիչների պալատում ներկայացվել է Գրենլանդիան անեքսիայի ենթարկելու մասին օրինագիծ