Եվրոպան չի մասնակցի Ժնևում կայանալիք Ռուսաստան–ԱՄՆ–Ուկրաինա բանակցություններին

Եվրոպացի պաշտոնյաները փորձել են մասնակցել Ժնևում նախատեսվող Ռուսաստան–ԱՄՆ–Ուկրաինա բանակցություններին, սակայն չեն ընդգրկվելու բանակցային սեղանի շուրջ։ Այս մասին հայտնում է TASS-ը՝ հղում անելով իր աղբյուրին։ Ժնևում նախատեսված է խորհրդակցությունների հերթական փուլը։ Նախորդ երկու հանդիպումները կայացել են հունվարի 23-24-ին և փետրվարի 4-5-ին՝ Աբու Դաբիում։

Ռուսական պատվիրակությունը գլխավորելու է նախագահի օգնական Վլադիմիր Մեդինսկին։ Կազմում ընդգրկված են շուրջ 20 ներկայացուցիչներ, այդ թվում՝ ԶՈւ Գլխավոր շտաբի գլխավոր վարչության պետ Իգոր Կոստյուկովը և արտաքին գործերի փոխնախարար Միխայիլ Գալուզինը։

Ուկրաինական պատվիրակությունում կլինեն Ազգային անվտանգության և պաշտպանության խորհրդի քարտուղար Ռուստեմ Ումերովը, նախագահի գրասենյակի ղեկավար Կիրիլ Բուդանովը, ԶՈւ Գլխավոր շտաբի պետ Անդրեյ Գնատովը, ինչպես նաև Սերգեյ Կիսլիցան և Վադիմ Սկիբիցկին։