Երբ և ինչպես պետք է հնչի ՀՀ օրհներգը. կառավարության նոր որոշումը

Հայաստանի Հանրապետության կառավարությունը հաստատել է ՀՀ օրհներգի կատարման նոր կարգը, որի համաձայն՝ պետական միջոցառումների ընթացքում օրհներգը պետք է հնչի բացառապես կենդանի կատարմամբ։

Նոր կարգով հստակեցվել են օրհներգի երկար և կարճ տարբերակների կիրառման դեպքերը, ինչպես նաև կատարման ձևաչափերը՝ նվագախմբային, երգչախմբային կամ մեներգային։

Փոփոխությունները վերաբերում են նաև կրթական հաստատություններին․ դպրոցներում և մանկապարտեզներում օրհներգը պետք է կատարվի կենդանի ձևաչափով՝ ապահովելով պետական խորհրդանիշի նկատմամբ պատշաճ վերաբերմունք։

Կառավարությունում նշում են, որ նոր կարգի նպատակը օրհներգի միատեսակ և օրենքին համապատասխան կատարումն է։