Ղազախստանը մտադիր է արգելել կոռուպցիոներների մասնակցությունն ընտրություններին
Առաջարկվում է Ղազախստանի Սահմանադրության մեջ ամրագրել կոռուպցիոն հանցագործությունների մեջ մեղավոր անձանց ընտրություններին մասնակցելու արգելքը։ Այս մասին հայտնել է խորհրդարանի Սենատի (վերին պալատի) եւ Սահմանադրական հանձնաժողովի անդամ Նուրլան Բեկնազարովը։ «Սահմանված կարգով կոռուպցիոն հանցագործությունների կամ իրավախախտումների մեջ մեղավոր ճանաչված քաղաքացիները չպետք է ունենան ընտրվելու իրավունք»,- Բեկնազարովի խոսքերը մեջբերել է «Կազինֆորմ» պետական լրատվական գործակալությունը։
Նա նաեւ նշել է, որ ընտրություններին եւ հանրաքվեներին մասնակցելու իրավունք չպետք է տրվի դատարանի կողմից անգործունակ ճանաչված կամ ազատազրկման դատապարտված քաղաքացիներին։ Բացի այդ, առաջարկվում է զրկել խորհրդարանական մանդատներից այն պատգամավորներին, ովքեր մշտապես գտնվել են Ղազախստանից դուրս, կորցրել են իրենց քաղաքացիությունը կամ լքել են այն կուսակցությունը, որի ցուցակում ընտրվել են, կամ եթե կուսակցությունը դադարել է գոյություն ունենալ։
Նախագահ Կասիմ-Ժոմարտ Տոկաեւն առաջարկել է փոփոխություններ կատարել սահմանադրության մեջ՝ ստեղծելով 145 պատգամավորից բաղկացած միապալատ խորհրդարան, որոնք կընտրվեն միայն կուսակցական ցուցակներով (ներկայում թույլատրվում է նաեւ ինքնաառաջադրումը միամանդատ ընտրատարածքներում): Նա նաեւ առաջարկել է սահմանել փոխնախագահի պաշտոն, բարեփոխել խորհրդատվական մարմինները եւ կատարել մի շարք այլ փոփոխություններ սահմանադրության մեջ: Նրա հրամանագրով ստեղծվել է սահմանադրական հանձնաժողով՝ բարեփոխումները մշակելու համար, փոփոխությունները նախատեսվում է ներկայացնել հանրաքվեի, որի ամսաթիվը դեռեւս նշանակված չէ:
Հունվարի 27-ը սահմանվել է որպես Հայրենիքի պաշտպանության համար զոհվածների հիշատակի օր
Ինչու են նոր մոդելները թանկանում, իսկ միլենիալները վազում վինտաժի հետևից
Ո՞ւմ է ուզում ԱԺ նախագահ դարձնել Փաշինյանը
Ինքնակամ կառույցները հնարավոր կլինի օրինականացնել․ հաշվառման կարգն ուժի մեջ կմտնի հունվարի 20-ից
ՀՀ ԱԺ ութերորդ գումարման տասնմեկերորդ նստաշրջանի հերթական նիստ
Արամ Ա Վեհափառը քննարկել է Լիբանանում ստեղծված իրավիճակն ու հայ համայնքի դրությունը
Տարիներ անց սովորական գործընթաց է լինելու, երբ Հայաստանից կամ Ադրբեջանից մեր քաղաքացիները կարողանալո...
Լավրովը Մակրոնին հիշեցրել է Նապոլեոնին ու Հիտլերին՝ խոսելով Ռուսաստանի պատմության մասին
Գագիկ Սարգսյանը հրաժարական է ներկայացրել Հայաստանի դահուկավազքի և սնոուբորդի ֆեդերացիայի նախագահի պա...
Նոր մանրամասներ Լուվրի կողոպուտի մասին