Դավոսում օրակարգը փոխվում է․ AP News

Համաշխարհային տնտեսական ֆորումի ընթացքում միջազգային հարաբերություններում նկատվում է լարվածության աճ։ Քննարկումների առանցքում են ԱՄՆ նախագահ Դոնալդ Թրամփի հայտարարությունները՝ կապված Գրենլանդիայի շուրջ ԱՄՆ քաղաքական հետաքրքրությունների և եվրոպական երկրների նկատմամբ հնարավոր մաքսատուրքերի սահմանման սպառնալիքների հետ, փոխանցում է Associated Press News-ը։ 

Ֆորումին մասնակցել են աշխարհի տարբեր երկրներից ժամանած հազարավոր քաղաքական և բիզնես առաջնորդներ, որոնց միջև ընթանում են սուր քննարկումներ՝ գլոբալ տնտեսության, անվտանգության և առևտրային հարաբերությունների վերաբերյալ։

Եվրոպայի մի շարք ղեկավարներ ընդգծել են համախմբվածության և անկախ ռազմավարական քաղաքականության անհրաժեշտությունը՝ ԱՄՆ-ից եկող ճնշումներին դիմակայելու համար։