Պատրաստ ենք շարունակական կապի մեջ լինել և պատասխանել բոլոր հարցերին․ Փաշինյանը՝ TRIPP-ի շուրջ Իրանի մտահոգությունների մասին
Հայաստանի վարչապետ Նիկոլ Փաշինյանը անդրադարձել է TRIPP ծրագրի հետ կապված Իրանի Իսլամական Հանրապետության մտահոգություններին՝ նշելով, որ այդ հարցերը մանրամասն քննարկվել են իրանցի գործընկերների հետ, և Հայաստանը պատրաստ է շարունակել մշտական երկխոսությունը։
«Արմենպրես»-ի հաղորդմամբ՝ լրագրողների հետ ճեպազրույցի ժամանակ Նիկոլ Փաշինյանը հիշեցրեց, որ Իրանի Իսլամական Հանրապետության նախագահը 2025 թվականի օգոստոսի 19-ին այց է կատարել Հայաստան՝ Վաշինգտոնում կայացած խաղաղության գագաթնաժողովից 10 օր անց։
«Մենք շատ հանգամանալից, երկար և մանրամասն զրուցել ենք և կարծում եմ, որ բոլոր հարցերի պատասխանները տվել ենք։ Միաժամանակ նշել ենք, որ հետագայում հարցերի առաջացման դեպքում պատրաստ ենք շարունակական կապի մեջ լինել և պատասխանել բոլոր հարցերին»,-ասաց վարչապետը։
Փաշինյանն ընդգծեց, որ Հայաստանի Հանրապետությունը բանակցային գործընթացների ընթացքում հաշվի է առնում իր միջազգային գործընկերների կարծիքներն ու մտահոգությունները և ձգտում է հասնել հնարավորինս հավասարակշռված լուծումների։
«Քննարկումների ընթացքում մենք հաշվի ենք առնում մեր միջազգային գործընկերների կարծիքներն ու մտահոգությունները և բանակցությունների ժամանակ փորձում ենք հնարավորինս հասնել հավասարակշռված լուծումների, ինչը, կարծում եմ, այս դեպքում հաջողվել է»,-նշեց վարչապետը։
Մենք միանգամայն արժանիորեն դուրս եկանք հաջորդ փուլ
Wildberries-ի կողմից տրամադրված փոխհատուցումների ընդհանուր ծավալը կազմում է մի քանի միլիարդ ռուբլի
«Երևանի «Արարատ» կոնյակի-գինու-օղու կոմբինատ»-ը հանձնվել է ՀՀ կառավարմանն ու պահպանմանը. Գլխավոր դատ...
BP-ն վաճառում է Հյուսիսային ծովում իր բիզնեսը և դուրս գալիս տարածաշրջանից
Ուրումչիի մշակութային ուղին. Գրանդ բազար
Երևանը կդառնա ժամանակակից երաժշտության և արվեստի միջազգային կենտրոն
Սևանում տեղի է ունեցել «Sevan AgriTech Summit»-ը
Կարլոս Էսպին պայմանագիր է կնքել «Ռեալ Մադրիդի» հետ
«Claude» արհեստական բանականությունը թեստավորման ժամանակ կոտրել է 3 ընկերության համակարգեր
Մահացել է աշխարհի չեմպիոն և «Միլանի» լեգենդ Ֆրանկո Բարեզին