Համոզված եղեք՝ այս տարի դեկտեմբերին էլ չի լինի հեղուկ գազի թանկացման խնդիր. Նիկոլ Փաշինյան

Համոզված եղեք՝ այս տարի դեկտեմբերին այլևս չի լինի հեղուկ գազի թանկացման հարցը: Այս մասին կառավարության հերթական նիստի ժամանակ ասաց ՀՀ վարչապետ Նիկոլ Փաշինյանը՝ անդրադառնալով բենզինի գնի էժանացմամբ պայմանավորված հեղուկ գազի թանկացման մասին քննարկումներին:

Խոսելով ամեն տարի Լարսի դեկտեմբեր ամսին ճանապարհային հանգույցի խնդիր ունենալու պատճառով տրանսպորտային հանգույցների թանկանալու մասին՝ Նիկոլ Փաշինյանը նշեց, որ դա ևս լուրջ խնդիր է. «Դա խնդիր է, որ պետք է լուծվի իմ նիստի սկզբում ասած հարցի լուծման համատեքստում, ու Հայաստանի Հանրապետությունը մակատակարարումների տարբեր ուղղիներ ու աղբյուրներ ունենա: Այդտեղ պետք չի շատ բան փնտրել»:

Քննարկմանն անդրադարձավ նաև ՀՀ էկոնոմիկայի նախարար Գևորգ Պապոյանը՝ նշելով, որ իրեն գործարարները օրեր առաջ այդ մասին ասել են. «Սովորաբար Հայաստան հեղուկ գազ գալիս է երկու հիմնական ուղղությամբ՝ Ռուսաստանի Դաշնություն՝ Վերին Լարսով, և Իրան: Հայտնի հանգամանքներով պայմանավորված երկու ուղղություններով բարդություններ կան, մի դեպքում ձյան առատ տեղումներով պահմանավորված, մյուս դեպքում էլ գիտենք:

Բոլոր գործարարներին մեր առաջարկը եղել է հետևյալը՝ ժամանակն է օգտվել երկաթուղային հաղորդակցությունից: Կարծում եմ, որ առաջիկայում այդ հարցը մեկընդմիշտ կկարողանանք լուծել, որովհետև երկաթուղային հաղորդցակցությունը այդպիսի խնդիրների առաջ չի կանգնում, ինչպես Վերին Լարսը»: