Փարիզում ֆերմերների ցույցեր են անցկացվում

Երեքշաբթի օրը մոտ 350 տրակտոր է մտել Ֆրանսիայի մայրաքաղաք՝ որպես ԵՄ-ի և Հարավամերիկյան ընդհանուր շուկայի (ՄԵՐԿՈՍՈւՐ) համաձայնագրի դեմ բողոքի ակցիայի մաս, հաղորդել է BFM TV-ն։ Ցուցարարները պահանջում են պարզեցնել եվրոպական գյուղմթերք արտադրողների համար բյուրոկրատական ընթացակարգերը և կոչ են անում ձեռնարկել կոնկրետ ու անհապաղ գործողություններ՝ Ֆրանսիայի պարենային անկախությունը պաշտպանելու համար, նշում է հեռուստաալիքը։

Տրակտորներն արգելափակել են մի քանի ավտոճանապարհների վրա առկա երթևեկությունը։ Ֆրանսիական լրատվամիջոցների տարածած տեսանյութերում երևում է, թե ինչպես են ֆերմերներն անցնում, մասնավորապես, Ելիսեյան դաշտերով։ Նշվում է, որ նրանք շարժվում են դեպի Ֆրանսիայի Ազգային ժողովի շենքը։

Այս համաձայնագրի վճռական հակառակորդներն են Եվրոպայի գյուղմթերք արտադրողները, ովքեր կտրականապես դեմ են դրան՝ համարելով, որ այն ԵՄ երկրները կողողի լատինամերիկյան էժան արտադրանքով, որի նկատմամբ Եվրամիությունը չի ներկայացնի նույնպիսի խիստ պահանջներ, ինչպիսիք ներկայացվում են սեփական ագրարայինների արտադրանքին։