Սիրիայի պաշտպանության նախարարությունը այս գիշեր հայտարարել է Հալեպում հրադադարի հաստատման մասին։ Սիրիայի իշխանությունները հայտնել են, որ քրդամետ Սիրիայի ժողովրդավարական ուժերին տրվել է մի քանի ժամ՝ Հալեպի որոշ շրջաններից դուրս գալու համար։ Քրդերը առայժմ չեն մեկնաբանել սիրիական իշխանությունների հայտարարությունները, հաղորդում է BBC-ին։
Իր հերթին թուրքական «Անադոլու» գործակալությունը հայտնում է, որ սիրիական բանակը ինչ-որ չափով իր հսկողության տակ է վերցրել Հալեպի կենտրոնը` Բենի Զեյդ շրջանը։
Երեկ երեկոյան հայկական «Գանձասար» թերթն իր ֆեյսբուքյան էջում հայտնել էր, որ հրանոթային կրակոցների հետեւանքով քաղաքի Շէյխ Թահա եւ Վիլլաներ հայաբնակ շրջանները նյութական վնասներ են կրել։ Մարդկային կորուստներ չկան։
«Այժմ Հալեպում զգուշավոր հանդարտություն է։ Մերթ ընդ մերթ լսվում են կրակոցների ձայներ։ Պարենային խանութները, փռերը, հիվանդանոցն ու դեղատները բաց են»,- հայտնել էր «Գանձասարը»։
Սիրիայում իսլամիստների իշխանության գալուց հետո զանգվածային այս բախումները սրել են նաեւ լարվածությունը Սիրիայի դաշնակից Թուրքիայի և Իսրայելի միջև։
Մինչ Անկարան քրդամետ ուժերին որակում է ահաբեկչական եւ հայտարարում, որ Դամասկոսը հակաահաբեկչական գործողություններ է իրականացնում, Թել Ավիվը դատապարտում է քրդերի դեմ իրականացված հարձակումները։
Մենք միանգամայն արժանիորեն դուրս եկանք հաջորդ փուլ
«Երևանի «Արարատ» կոնյակի-գինու-օղու կոմբինատ»-ը հանձնվել է ՀՀ կառավարմանն ու պահպանմանը. Գլխավոր դատ...
Ուրումչիի մշակութային ուղին. Գրանդ բազար
Wildberries-ի կողմից տրամադրված փոխհատուցումների ընդհանուր ծավալը կազմում է մի քանի միլիարդ ռուբլի
BP-ն վաճառում է Հյուսիսային ծովում իր բիզնեսը և դուրս գալիս տարածաշրջանից
«Claude» արհեստական բանականությունը թեստավորման ժամանակ կոտրել է 3 ընկերության համակարգեր
Սևանում տեղի է ունեցել «Sevan AgriTech Summit»-ը
Կարլոս Էսպին պայմանագիր է կնքել «Ռեալ Մադրիդի» հետ
Գանսուի թռչող ձին. չինական նահանգի հնագույն ժառանգություն
Մահացել է աշխարհի չեմպիոն և «Միլանի» լեգենդ Ֆրանկո Բարեզին