Պուտին․ Ճապոնիայի հետ խաղաղության պայմանագրի շուրջ որոշ հարցերի լուծումը կարող է տարիներ տեւել
Ճապոնիայի հետ խաղաղության պայմանագրի շուրջ որոշ հարցերի լուծումը, այդ թվում՝ Տոկիոյի պարտավորությունների մասով, կարող է տարիներ տեւել։ Այս մասին Ասիա-Խաղաղօվկիանոսյան գագաթնաժողովի ավարտին կայացած մամուլի ասուլիսին ասել է ՌԴ նախագահ Վլադիմիր Պուտինը, փոխանցում է ՏԱՍՍ-ը։
«Խաղաղության պայմանագրի շուրջ շատ հարցեր կան։ Գաղնիք չէ, որ մենք այստեղ պետք է նայենք, թե ինչ պարտավորություններ ունի Ճապոնիան գործընկերների առաջ անվտանգության բնագավառում։ Ինչպես դա կազդի Ռուսաստանի եւ Ճապոնիայի միջեւ բանակցային գործընթացի վրա։ Ի՞նչ պարտականություններ Ճապոնիան ունի եւ ինչ կարող է նա անել ինքնուրույն։ Դա կարող է մի քանի տարի պահանջել»,- ասել է ՌԴ նախագահը։