Այս կառավարության հետ մտերիմ հարաբերություններ ունեի, բայց ամեն ինչի վրա խաչ եմ քաշել և իմ դիրքորոշումը հստակ արտահայտել, որովհետև արժանապատվությունն ամենակարևորն է
Մեկնարկած համազգային շարժմանը միանալ ցանկացողները մարզում շատ-շատ են, ուղղակի հնարավորություն չունեն, որ գան և մասնակցեն Երևանում տեղի ունեցող ակցիաներին, հանրահավաքներին։ Այս մասին «Փաստինֆո»-ի հետ զրույցում ասում է Գեղամասարի նախկին համայնքապետ Հակոբ Ավետյանը։
«Բոլոր գիտակից մարդիկ հասկանում են, թե իշխանության այս կործանարար քայլերը մեզ ուր են տանում։ Շատերը հասկանում են, բայց չեն կարողանում գալ ու մասնակից լինել շարժմանը, որոշներն էլ այնքան անտարբեր են դարձել, որ ոչ մի բանի էլ չեն ուզում մասնակցել, բայց այդ մարդիկ էլ դեմ են այս կառավարությանը։ Այնպես չի, թե նրանք չեն հասկանում, որ շատ վտանգավոր ուղիով են տանում երկիրը։ Դե, մի մասն էլ անբուժելի հիվանդությամբ է տառապում․ ինչ լինում է, ասում են՝ իրենց ցավը տանեմ, կամ էլ ասում են՝ էդ իրենք չեն, նախկիններն են մեղավոր։ Էդ մարդկանց հետ, թե ինչ է կատարվում, չեմ հասկանում։ Ցավոք, մեր ազգի մեջ կան մարդիկ, որ իրենց համար Հայրենիք չկա, մտածում են միայն նպաստ ստանալու մասին։ Այդ մարդիկ, եթե պետական որևէ պաշտոնյայի մոտ թեկուզ կոֆե դնող բարեկամ են ունենում, ամբողջ ցեղով իրենց են ձայն տալիս»,-ցավով արձանագրում է Ավետյանը։
Մեր զրուցակիցն արձանագրում է՝ ազգի՝ թասիբ ունենալու մեջ երբեք չի կասկածել, բայց պարզվում է՝ սխալվել է։ Հանուն պաշտոնի կամ մի փոր հացի անվտանգային լուրջ խնդիրների վրա աչք փակելը Գեղամասարի նախկին համայնքապետի համար անընդունելի է։ Համայնքում լավ են ճանաչում Ավետյանին, գիտեն, որ ճշտին՝ ճիշտ, սխալին՝ սխալ է ասում։ Ճշմարտախոսության և արդարամտության համար ներկա իշխանությունները բազմաթիվ խնդիրներ են ստեղծել Ավետյանի համար, բայց սկզբունքորեն շարունակում է գործել՝ խղճի թելադրանքով։
«Ես, լինելով համայնքի ղեկավար, այս կառավարության հետ շատ մտերիմ հարաբերություններ ունեի։ Այսքանից հետո այդ ամեն ինչի վրա խաչ քաշեցի և իմ դիրքորոշումը հստակ արտահայտեցի։ Քաջ գիտակցում եմ, թե ինչ խնդիրների կարող եմ հանդիպել, ու արդեն հանդիպել էլ եմ, եղել են նաև հետապնդումներ, բայց դա բան չի փոխում ինձ մոտ։ Ամենակարևորն արժանապատվությունն է, ոչ թե ստամոքսը կամ ինչ-որ մեկին հաճոյանալը»,-ասում է Ավետյանը և հավելում, որ մեր երեխաների ապագայի համար եթե այսօր ոտքի չկանգնենք, ապա վաղը կրկնվելու է 2020-ի արհավիրքը՝ հազարավոր զոհերով ու հայրենիքի կորստով։
«Բավարիայի» կիսապաշտպանը՝ Ավստրիայի լավագույն ֆուտբոլիստ
Իսպանացի արքայադուստրը խախտել է թագավորական ընտանիքի ավանդույթը
Կասեցվել է «Բելիսսիմո Գրուպ»-ին պատկանող մսամթերքի արտադրամասի արտադրական գործունեությունը
Ադրբեջանը հայտարարել է, որ «արագացված տեմպերով կառուցում է Զանգեզուրի միջանցքը»
Վարչապետի կամ ՔՊ վարչության ցանկացած որոշման հետ հաշտ եմ. պաշտոնը մեր տնից չեմ բերել. Շիրակի մարզպետ
ԲԴԽ-ն դատավոր Արշակ Պետրոսյանին նախազգուշացում հայտարարեց
«Աչքս դռանն է, միշտ Ռաֆոյիս եմ սպասում, որ դուռը բացելու է և ներս մտնի». Ռաֆայել Ֆրանգուլ յանն անմահ...
Ապօրինի ձեռնարկատիրական գործունեություն իրականացրած ընկերությունը վերականգնել է պետությանը պատճառված...
Մայքլ Ջեքսոնի թիկնապահը բացատրել է էփշտեյնի հետ լուսանկարում փոփ արքայի հայտնվելը
Ձերբակալվել է Վրաստանի պետական անվտանգության ծառայության նախկին ղեկավարը