Իրացման շուկայում արձանագրվել է բավարար քանակությամբ ձվի առկայություն. ՍԱՏՄ
Սննդամթերքի անվտանգության տեսչական մարմինը տեղեկացնում է՝ նկատի
ունենալով 2021 թվականին Սուրբ Զատկի տոնակատարությանն ընդառաջ ձվի իրացման
շուկայում արձանագրված իրավիճակը՝ կապված ձվի դեֆիցիտի և գնի ուռճացման
հետ, ինչպես նաև 2022 թվականի տարեսկզբին ստեղծված իրավիճակին արձագանքելու
և առկա ռիսկերը գնահատելու նպատակով՝ ընթացիկ տարվա հունվար-փետրվար
ամիսներին ՀՀ սննդամթերքի անվտանգության տեսչական մարմինը նախաձեռնել էր
վերահսկողական միջոցառումներ ձվի արտադրության և իրացման շուկայում:
Ամփոփելով իրականացված պետական վերահսկողության արդյունքները՝ արձանագրվել է հետևյալ պատկերը՝
1. վերահսկողություն է իրականացվել ձվի 10, այդ թվում նաև՝ բոլոր խոշոր
արտադրողների մոտ՝ «Լուսակերտ Էլիտ» ՍՊԸ, «Պրոյեկտ ինտեր-ինվեստ» ՍՊԸ
(«Շիրակի ձու» ապրանքանիշ), «Արաքս թռչնաֆաբրիկա» ՓԲԸ, «Արզնու տոհմային
ԹՏԽ» ԲԲԸ, «Աշտարակ ձու» ՍՊԸ, «Մյաս» ՍՊԸ («Ձու սննդային» ՏՊ), «Գնթունիք»
ՍՊԸ, անհատ ձեռնարկատեր Ջանիկ Գյորգյան, «Գնդեվազ-ֆարմ» ՍՊԸ, «Սանփաուեր»
ՍՊԸ:
2. Վերահսկողական միջոցառումներ են իրականացվել նաև իրացման ցանցում,
որի շրջանակներում կատարվել են ձվի նմուշառում և լաբորատոր
փորձաքննություններ՝ որոշելու համար ձվի թարմությունը: Ըստ այդմ՝ մի քանի
տնտեսվարող սուբյեկտների մոտ հայտնաբերվել է չմակնշված ձվի խմբաքանակ, որի
իրացման նկատմամբ սահմանվել է հսկողություն: Խմբաքանակի իրացումը
թույլատրվել է միայն արտադրման օրվան համապատասխանող մակնշում անելուց
հետո.
երկու արտադրողի մոտ հայտնաբերվել է «Բ» դասի թռչնի ձու, որը
թույլատրվում է իրացնել միայն արտադրական նպատակներով: Տվյալ խմբաքանակները
վաճառվել են արտադրող կազմակերպություններին՝ այդ մասին ծանուցելով
տեսչական մարմնին.
իրացման ցանցում ևս արձանագրվել է «Բ» դասի ձվի իրացման փորձ, որը
տեսչական մարմնի կողմից կանխվել է, իսկ խմբաքանակի իրացումը՝ կասեցվել.
իրացման ցանցում հայտնաբերվել է նաև պիտանիության ժամկետն անցած հավի
ձու, որի համար տրվել է արտադրանքի իրացումն արգելելու, շուկայից հետ
կանչելու, ոչնչացնելու կամ օգտահանելու մասին կարգադրագիր, կայացվել է
վարչական տուգանք նշանակելու մասին որոշում։
3. Տեսչական մարմինի կողմից սահմանվել է հսկողություն տրված կարգադրագրերի և հանձնարարականների կատարման ընթացքի նկատմամբ։
Ձեռնարկված վերահսկողական միջոցառումների արդյունքում 2022 թ. ապրիլի
17-ի Սուրբ Զատկի տոնակատարությանն ընդառաջ, իրացման շուկայում արձանագրվել
է բավարար քանակությամբ ձվի առկայություն, ինչը նպաստում է նաև դրա գնի
արհեստական ուռճացման բացառմանը: Ավելին՝ շուկայում նկատվում է ձվի գնի
նվազում:
Այս պահին թռչնամիս և ձու արտադրողների մոտ իրականացվում է անասնահամաճարակային մշտադիտարկում:
«Բավարիայի» կիսապաշտպանը՝ Ավստրիայի լավագույն ֆուտբոլիստ
Իսպանացի արքայադուստրը խախտել է թագավորական ընտանիքի ավանդույթը
Ադրբեջանը հայտարարել է, որ «արագացված տեմպերով կառուցում է Զանգեզուրի միջանցքը»
Կասեցվել է «Բելիսսիմո Գրուպ»-ին պատկանող մսամթերքի արտադրամասի արտադրական գործունեությունը
Վարչապետի կամ ՔՊ վարչության ցանկացած որոշման հետ հաշտ եմ. պաշտոնը մեր տնից չեմ բերել. Շիրակի մարզպետ
ԲԴԽ-ն դատավոր Արշակ Պետրոսյանին նախազգուշացում հայտարարեց
«Աչքս դռանն է, միշտ Ռաֆոյիս եմ սպասում, որ դուռը բացելու է և ներս մտնի». Ռաֆայել Ֆրանգուլ յանն անմահ...
Ապօրինի ձեռնարկատիրական գործունեություն իրականացրած ընկերությունը վերականգնել է պետությանը պատճառված...
Մայքլ Ջեքսոնի թիկնապահը բացատրել է էփշտեյնի հետ լուսանկարում փոփ արքայի հայտնվելը
Ձերբակալվել է Վրաստանի պետական անվտանգության ծառայության նախկին ղեկավարը