Նրա հետ ամեն ինչ պարզ է, իսկ մեզ հե՞տ. Գեղամ Նազարյան
ԱԺ պատգամավոր, «Հայաստան» խմբակցության պատգամավոր Գեղամ Նազարյանը գրում է.
Նրա հետ ամեն ինչ պարզ է։ Նա գրեթե երբեք չի թաքցրել, թե ինչ ծրագրեր ունի։ Հիմա առավել եւս չի թաքցնում։ Իսկ մեզ հե՞տ։ Մի՞թե մեզ հետ էլ ամեն ինչ պարզ։ Մենք ի՞նչ ենք ուզում։
Այնպիսի տպավորություն է, որ մի ստվար զանգված սպասում էր նրա ելույթին, որ սկսեն լալահառաչ ու արցունքախառը տեքստեր գրել ու արտասանել Հայաստանի, այդ թվում Արցախի անխուսափելի կործանման կամ թուրքացման մասին, որ գրեն, թե Հայաստանում այլեւս չի կարելի մնալ, որ պետք է տուն, տեղ ծախել ու մարդա 25 հազար դոլար ծախսելով հասնել մեքսիկա_ամերիկյան սահման, որ մի ահագին ժամանակ սեւուկների հետ նույն խցում բանտ նստել։ Տպավորություն է, որ սպասում էին միայն նրա համար, որ հարձակվեն ու վիրավորեն ժողովրդին ու ասեն՝ հը ինչո՞ւ ոտքի չեք կանգնում։ Իսկ ի՞նչ եք արել չարի ճիրաններում գտնվող ժողովրդին, պատերազմից վախեցած ժողովրդին իրականությունը ներլայացնելու համար։ Թե ձեզ թվում է նրանց ժեխ անվանելով անմիջապես սթափվելու են։
Ու այդ գրողները շատ լավ գիտեն, որ երբեք մարդիկ առանց կազմակերպման չեն համախմբվում ու ոտքի չեն կանգնում։ Ժողովուրդը համատարած դժգոհ է, ժողովուրդը չի ուզում Արցախի ադրբեջանականացում, գների թանկացում, բայց նույն ժողովուրդը ակնկալիք ունի քաղաքական էլիտայից, որ լուծեն այդ խնդիրները, որ իրենց համախմբեն, որ վերջ տան այս աղետին։
Այո, նրա հետ ամեն ինչ պարզ է։ Հասկանալի է, որ ցանկանում է Արցախը թողնել թուրքերին, աղճատել Հայաստանի սահմանները, Հայաստանում բնակեցնել ադրբեջանցիներին, բայց մի՞թե դա նշանակում է, թե դա արդեն բավական է այդ ամենն իրականացնելու համար։ Իհարկե՝ չի նշանակում։
Խորհրդարանական ընդդիմությունը, նրանց կերպ մտածող ու իրավիճակին նայող արտախորհրդարանական մյուս ուժերը կանխելու են այս աղետը՝ համախմբելով ժողովրդին։
Իսկ նրանք, ովքեր առիթ են փնտրում արտագաղթելու համար, խնդրում եմ, առիթներ եւ արդարացումներ մի փնտրեք։ Հանգիստ գնացեք։
Իսկ ես մնալու եմ, գիտակցելով բոլոր մարտահրավերները, որ կախված են մեր երկրի գլխին։ Մնալու եմ ու որքան կարող եմ նպաստելու եմ այս մղձավանջի ավարտին։ Ու մի գաղտնիք էլ հայտնեմ՝ մենք հաջողելու ենք ու այս մղձավանջն ու աղետն ավարտվելու են։
Աշխարհի ամենահայտնի Խորհրդարանական ծեծկռտուքները (ֆոտոշարք)
Գլխավոր դատախազ Աննա Վարդապետյանի հոդվածը հրապարակվել է Դատախազների միջազգային ասոցիացիայի մասնագիտա...
Հայաստանի ըմբշամարտի հավաքականը նվաճեց առաջին մեդալը
Եթե օրենքի ընդունումը թույլ տա փրկել ընտանեկան բռնության թեկուզ մեկ զոհի կյանք, ուրեմն միանշանակ պետ...
Նիդերլանդները հրաժարվել է մասնակցել «Եվրատեսիլ 2027»-ին
Ռոբոտը զբոսայգում երգել է երեխաների համար, պարել այցելուների հետ և լուսանկարվել
ՔԿ նախագահը ԱՄՆ-ում մասնակցել է Ոստիկանության պետերի միջազգային ասոցիացիայի համաժողովին
Բրազիլիայի նախագահի թեկնածուն լքել է երկիրը ընտրություններում պարտվելուց հետո
Նիդերլանդների Թագավորության արտաքին գործերի նախարարն այցելել է Moon Rose ջերմոցային տնտեսություն
Դատարանի շենքից փախուստի դիմած կալանավորը հայտնաբերվել և ձերբակալվել է. ՆԳՆ