Օդից ընկած նոր օլիգարխ, որը միլիարդներ ունի
Նրան որեւէ մեկը չէր ճանաչում: Հանրությանը նրա անուն, ազգանունը ոչինչ չի ասում: Նրա մասին անգամ չէին լսել բիզնես-աշխարհում, բայց նա ընկավ օդից ու միանգամից դարձավ օլիգարխ, այն էլ այնպիսին, որ ունի այնքան մեծ թռչնաբուծարան, որ անգամ հավկիքի շուկայում գին է թելադրում, եւ հասավ նրան, որ հիմա ձուն վաճառում է 70 դրամով: Օդից ընկած միլիարդատերը գնեց Ծաղկաձորի «Գոլդեն փելես» հյուրանոցը, որը մինչ այդ երկար ժամանակ հնարավոր չէր լինում վաճառել, եւ վերջապես օդից ընկած օլիգարխը գնեց Հովիկ Աբրահամյանի հայտնի, շքեղ ու մեծ առանձնատունը:
Ո՞վ է այս գործարարը, ո՞վ է Նարեկ Նալբանդյանը, որը հայտնի չլինելով որեւէ մեկին, հայտնի չլինելով գործարար աշխարհում կարողանում է իրեն նման շռայլություններ թույլ տալ: Ո՞վ է նա, որ 5 միլիարդով հյուրանոց է գնում, հսկայական գումար վճարում եւ առանձնատուն գնում:
Եւ ամենահետաքրքիրն այն է, որ նա այդ առանձնատունը չէր կարող գնել, քանի որ այն քրգործերից մեկի հիման վրա կալանքի տակ էր դրված:
Ո՞վ է այս օդից ընկած մեծահարուստը, որն ընդամենը տարիներ առաջ ավտավթարից հետո դեպքի վայրից փախուստի էր դիմում:
Նարեկ Նալբանդյանը Արգել գյուղից է: Ասում են, որ նա սերտորեն կապված է ոչ անհայտ Ռոմանոս պետրոսյանի հետ: Պնդում են նաեւ, որ նրա բիզնեսները սկսել են ծաղկել 2019-ից: Իսկ բիզնեսները կապված են ջուր վաճառելու, ավազ վաճառելու հետ:
Եւ եթե իշխանությունը հստակ բացատրություն չտա, թե ո՞վ է Նարեկ Նալբանդյանը, որտեղից նրան այդքան գումար, եւ ինչու նա հանկարծ ի հայտ եկավ 2018-ից հետո, ապա հանրությունը իրավունք կունենա մտածել, որ Նարեկ Նալբանդյանը մերօրյա Ֆունտն է, այլ կերպ ասած խամաճիկ, որի անունը պարզապես օգտագործվում է պետության ղեկավարների ստվերային բիզնեսները ծածկելու համար:
Top-News.am